יעצט ביינאכט אין ארץ ישראל איז ארויסגעקומען א שאנדפולע באשלוס פון די מדינת ישראל רעגירונג, אז צוליב די אנגייענדע מלחמה צושטאנד וואס הערשט אין ארץ ישראל, וועט אתרא קדישא מירון זיין פארשלאסן דאס יאר, און זיי וועלן נישט צושטעלן קיין שום מעמדים צוליב די מצב.
דאס קומט נאך עטליכע אנגעצויגענע טעג ווען די מדינת ישראל רעגירונג האט עטליכע מאל געטוישט מיינונגען, ווען צווישן די באשלוסן איז געווען א קלער אפצושליסן מירון און אריינלאזן בלויז א קארגע צאל מתפללים, היינט נאכט אבער האבן זיי געמאלדן אז די אלע פלענער זענען בטל ומבוטל, און די גאנצע אירוע ההילולא ווי זיי רופן עס איז אפגערופן.
די באשלוס קומט נאכדעם וואס א ראקעט איז געפאלן היינט אין מירון, טראץ וואס עס איז נישט קלאר וואס עס ליגט דערונטער. מיט די היינטיגע באשלוס איז קלאר אז אויף די וואס שטעלן זיך אהער צוצושטעלן אלע באדערפענישן קען מען זיך נישט פארלאזן, און וואס עס וועט זיך יא אויסלאזן ווייסט איין איינציגער באשעפער.
