שטייענדיג קארגע צוויי יאר זינט עס איז געגרינדעט געווארן די שיינע וויזניצע בית המדרש "אור מרדכי" אין די יוניאן געגנט אין מאנסי, האט די הנהלת בית המדרש זוכה געווען לברך על המוגמר, מיטן אפקויפן די בנין הביהמ"ד וואס איז ביז היינט געווען געדינגען.
די ביהמ"ד וואס געפונט זיך ביים ווינקל פון יוניאן ראוד און סטאונהאוז, איז געעפנט געווארן בברכתו ובעידודו פון כ"ק אדמו"ר מוויזניץ שליט"א פון מאנסי, וועלכער האט געשטעלט זיין עלטסטן אייניקל הגה"צ ר' חיים מאיר האגער שליט"א לכהן פאר אלס רב הביהמ"ד.
אין די לעצטערע וואכן האט די הנהלת ביהמ"ד אפגעקויפט דעם עקזיסטירנדן געביידעלע מיטן הילף פון חשובע נדיבים בעם, און אצינד ווערן געמאכט גרויסע פלענער אויפצובויען א גרויסע בנין בית המדרש אויפן פלאץ, אהערצושטעלן א פולשטענדיגע וויזניצע צענטער פאר די געגנט.
