היינט נאכמיטאג אין ארץ ישראל איז מרן הגאון הגדול רבי משה הלל הירש שליט"א ראש ישיבת סלאבאדקע אריינגעפירט געווארן אין שפיטאל, נאכן ליידן פון א שווערע לונגען אנטצינדונג וואס האט גאר שטארק פארשווערט דעם ראש ישיבה'ס געזונט צושטאנד.
דער ראש ישיבה וועלכער איז מיט עטליכע יאר צוריק ל"ע דיאגנאזירט געווארן מיט די ביטערע מחלה ה"י, און האט זיך מיטן אויבערשטנס הילף ערהוילט נאך א סעריע באהאנדלונגען, איז היינט דורכ'ן טאג געווארן גאר שוואך נאכן ליידן פון א לונגען אנטצינדונג, און אויף די אנווייזונגען פון די דאקטוירים האט מען גענומען דעם ראש ישיבה צום איכילוב שפיטאל אין תל אביב פאר אבזערוואציעס און באהאנדלונגען.
אידישע קינדער זענען מתפלל לרפואתו השלימה פונעם ראש ישיבה שליט"א מגדולי המנהיגים בארץ הקודש, מרן הגאון רבי משה הלל בן מינדל לרפואה שלימה, אין פילע ישיבות לענגאויס ארץ ישראל, איבערהויפט די בארימטע סלאבאדקע ישיבה אין בני ברק, האט מען זיך געשטעלט זאגן תהלים לרפואתו השלימה.
