היינט נאכט געפאלט די יומא דהילולא קדישא פון כ"ק אדמו"ר הרה"ק מבאבוב זי"ע, פילע אידן וועלן פוקד זיין דעם ציון הק' אויפן באבובער בית החיים אין ניו דזשערזי דורכאויס היינט און מארגן ביומא דהילולא קדישא.
אחיו כ"ק אדמו"ר מבאבוב שליט"א וועט אפרעכטן די יארצייט טיש און סיום הש"ס היינט אויפדערנאכט בהיכל ביהמ"ד הגדול באבוב אין בארא פארק.
חתנו כ"ק אדמו"ר מבאבוב 45 שליט"א וועט אפרעכטן די יארצייט טיש און סיום הש"ס היינט אויפדערנאכט בהיכל ביהמ"ד הגדול באבוב 45 אין בארא פארק. אין ירושלים עיה"ק קומט פאר די יארצייט סעודה אין זאל בית ישראל אויף רחוב עזרת תורה, אין שפיץ פון הגה"צ ר' יחזקאל אונגער שליט"א בן כ"ק אדמו"ר מבאבוב 45 שליט"א. אין לאנדאן קומט פאר די יארצייט סעודה און סיום הש"ס אין די קלאק האוז זאל אויף סטעמפארד הילל, אין שפיץ פון הגה"צ ר' ברוך חנא גרינפעלד שליט"א רו"ם דק"ק באבוב 45 אין לאנדאן, און משמש בקודש ביים רבי'ן זצ"ל.
היינט י"א אדר געפאלט די יומא דהילולא קדישא פון כ"ק אדמו"ר מסאסוב זצ"ל בעל מנחת יו"ט, בנו כ"ק אדמו"ר מסאסוב שליט"א וועט אפרעכטן די יארצייט טיש היינט פארמיטאג אין ביהמ"ד סאסוב אין קרית ישמח משה, און דערנאך ארויפגיין צום ציון הק' אויפן אלטן בית החיים אין טבריה.
היינט קומט פאר די שמחת הבר מצוה פון א אור אייניקל ביי כ"ק אדמו"ר מוויזניץ שליט"א פון מאנסי, אייניקל פון זיין איידעם הגה"צ ר' נפתלי מרדכי טויב שליט"א אב"ד קאלוב טשעסנאט רידזש, זון פון כ"ק אדמו"ר מקאלוב שליט"א, א זון פון זיין איידעם הגה"צ ר' יעקב יוסף ווייס שליט"א ר"ם בישיבה גבוה אמרי חיים וויזניץ, זון פון כ"ק אדמו"ר מספינקא שליט"א. – די שמחה קומט פאר אין ביהמ"ד הגדול וויזניץ אין מאנסי.
היינט קומט פאר די שמחת הבר מצוה פון א אייניקל ביי כ"ק אדמו"ר מבאסטאן ביתר שליט"א, א זון פון זיין איידעם הרב מנחם מענדיל פרענקל שליט"א, זון פון הגה"צ ר' ישכר פרענקל שליט"א, איידעם ביי הגה"צ ר' ישראל דוד פייגענבלאט שליט"א רב רמת אפעל, אור אייניקל פון הגה"צ אבד"ק גרויסווארדיין סטעטן איילענד שליט"א. – די שמחה קומט פאר אין זאל אבני חן אין שטאט ביתר.
היינט קומט פאר די שמחת הבר מצוה פון א אייניקל ביי כ"ק אדמו"ר מסאווראן שליט"א, א זון פון זיין איידעם הרב ירחמיאל ישראל יצחק פערלמאן שליט"א, זון פון הרב אשר ישעי' פערלמאן שליט"א, איידעם ביי הגה"צ ר' מאיר האלפערט שליט"א, זון פון הגה"צ מוואסלוי זצ"ל, און איידעם ביי כ"ק אדמו"ר מאלכסנדר זצ"ל בעל אמרי מנחם. די שמחה קומט פאר אין זאל בית ישראל אין ירושלים עיה"ק.
הגה"צ רבי אברהם יצחק וואלפסאן שליט"א אבד"ק אמונת ישראל, לאזט זיך היינט ארויס אויפן וועג קיין ארץ ישראל, צו פראווענען דעם קומענדיגן יו"ט פורים המשולש בעיר הקודש ירושלים, כמסורת אביו הגה"צ אבד"ק אמונת ישראל זצ"ל.
הגה"צ ר' אהרן מרדכי רוקח שליט"א בנו יחידו פון כ"ק אדמו"ר מבעלזא שליט"א וועלכער האט געוויילט די לעצטע פאר טעג אין ניו יארק צום מגבית הרחבת המלוכה פאר די נייע יונגל קעמפ מחנה בני בעלזא אין וואודרידזש, וועט היינט אנקומען אויף א קורצע באזוך אין שטאט אנטווערפן, צו באשיינען די מעמד לב למלכות לטובת מוסדות בעלזא אין שטאט.
אריינצושיקן מודעות און נייעס, שיקט אן אימעיל צו NEWS@JDNMAIL.COM
