אידישע קינדער זענען מעתיר בתפילה למען רפואתו השלימה פון כ"ק אדמו"ר מוויזניץ שליט"א לרפואה שלימה, וועלכער איז היינט מוצאי שבת אריינגעפירט געווארן צו די הדסה שפיטאל אין ירושלים, נאך וואס דער רבי איז ליידער זייער שוואך און איז אנגעוויזן אויף באהאנדלונגען.
דער רבי שליט"א האט זיך נישט גוט געשפירט דורכאויס שבת, און נאך וואס די מצב האט זיך ליידער נישט פארבעסערט, האט מען אויפן ראט פונעם רבינ'ס דאקטער אריינגעפארן אין שפיטאל פאר באהאנדלונגען און אבזערוואציעס. דער רבי געפונט זיך אין די הדסה שפיטאל וואס איז נישט ווייט פונעם רבינ'ס אכסניא אין מושב אורה, וואו דער רבי האט זיך אויפגעהאלטן דעם שבת, און איז ערווארטעט אדורכצוגיין פארשידענע אונטערזוכונגען אין די קומענדיגע טעג, מיטן האפענונג אז דער רבי זאל וואס שנעלער צוריקקומען צו די כוחות, און קענען פראווענען די הייליגע טעג בקרב עדת צאן מרעיתו.
כלל ישראל איז מתפלל פאר כ"ק מרן ישראל בן לאה אסתר לרפואה שלימה, יתחדש כנשר נעוריו, בבריות גופא ונהורא מעליא.
