אידישע קינדער זענען מעתיר בתפילה למען רפואתו השלימה פון כ"ק אדמו"ר מבאסטאן שליט"א, וועלכער גייט היינט אריבער א קאמפליצירטע אפעראציע אין א גרויסע שפיטאל אין באסטאן.
דער רבי שליט"א וועלכער איז ממשיך מסורת אבותיו הקדושים אריינצובלאזן חיות דקדושה אין אידישע הערצער אינעם באקאנטן שטאט באסטאן אין מאסעטשוסעטס, פירט ווייטער אן דעם בית המדרש און מוסדות הקדושים, הילף ארגענעזאציעס ארויסצוהעלפן אידישע קינדער בעת צר, איבערהויפט די אידן וואס קומען צו פארן קיין באסטאן לצרכי רפואה, צו די ארטיגע פראפעסיאנאלע דאקטוירים.
אין די לעצטערע וואכן האט מען ליידער אנטדעקט ביים רבי'ן א געוואוקס ל"ע, וואס האט צוגעברענגט פארשידענע קאמפליקאציעס אינעם רבינ'ס געזונט, און אויף היינט דאנערשטאג איז באשטימט אן אפעראציע מיטן האפענונג צו היילן דעם רבי'ן מיטן אויבערשטנס הילף, דער רבי זאל ווייטער קענען משפיע זיין פאר עדת צאן מרעיתו.
אידישע קינדער זענען מתפלל לרפואת כ"ק מרן נפתלי יהודה בן רייכל בתוך שאר חולי ישראל, והן קל כביר לא ימאס תפילת הרבים.
