היינט מוצאי שבת וועט כ"ק אדמו"ר מוויזניץ שליט"א ארויספארן אויף א געהויבענע נסיעה קיין ניו יארק, וואו דער רבי וועט זיך אויפהאלטן עטליכע טעג מחזק צו זיין קהל עדת צאן מרעיתו, און באשיינען די שמחת החתונה פון א אייניקל ביי הנגיד החסיד ר' חיים שטערן הי"ו.
דער רבי שליט"א איז ערווארטעט צו לאנדן בשערי העיר מארגן זונטאג פארטאגס, און וועט פארבלייבן דאהי ביז מיטוואך אויפדערנאכט, דורכאויס די באזוך וועט דער רבי זיין אין בארא פארק און וויליאמסבורג, מאנטאג אינדערפרי וועט דער רבי דאווענען שחרית בבית מדרשו אין בארא פארק, אינאיינעם מיט די חסידים פון בארא פארק און לעיקוואד, און דינסטאג אינדערפרי וועט דער רבי דאווענען שחרית בבית מדרשו אין וויליאמסבורג, אינאיינעם מיט די חסידים פון וויליאמסבורג און מאנסי.
זונטאג אויפדערנאכט וועט דער רבי באשיינען די שמחת החתונה פון א אייניקל ביי הנגיד החסיד ר' חיים שטערן הי"ו פון די נענטסטע מקורבים ביים רבי'ן, מאנטאג אויפדערנאכט וועט דער רבי אפרעכטן שולחנו הטהור לכבוד ראש חודש, אינאיינעם מיט די אינגעלייט וואס זענען אנגעשלאסן אינעם רבינ'ס חבורה "לב וויזניץ" אינאיינעם מיט די בני בית, און דינסטאג אויפדערנאכט וועט דער רבי אויפטרעטן מיט א שמועס פאר די אינגעלייט ובני ביתם.
