מטעם בית כ"ק אדמו"ר מוויזניץ שליט"א איז היינט באשטעטיגט געווארן, אז קומענדיגע וואך וועט דער רבי אנקומען אויף א בליץ באזוך אין שטאט מאנטשעסטער, און וויילן פאר עטליכע שעה בקרב חסידיו ומעריציו תושבי העיר.
דער רבי שליט"א וועלכער וויילט אין חלדודנא ענגלאנד אויף אפרוה דורכאויס די זוממער וואכן, וועט דעם קומענדיגן מאנטאג ראש חודש אב אין די פארטאגס שעה'ן, ארויספארן פון חלדודנא קיין מאנטשעסטער, א וועג פון ארום אן אנדערטהאלבן שעה, דער רבי וועט דאווענען שחרית בבית מדרשו קהל ישועות משה דחסידי וויזניץ אין מאנטשעסטער, און נאכן דאווענען און תפילת מוסף וועט דער רבי פראווענען שולחנו הטהור לכבוד ראש חודש אינאיינעם מיט די חסידים תושבי העיר.
אזוי אויך איז געמאלדן געווארן פונעם רבינ'ס שטוב, אז די חסידים תושבי מאנטשעסטער וועלן האבן די זכיה אריינצוגיין אל הקודש פנימה מיט קוויטלעך דורכאויס דעם קורצן באזוך.
