מטעם בית כ"ק אדמו"ר מוויזניץ שליט"א איז געמאלדן געווארן יעצט ביינאכט אין ארץ ישראל, אז צוליב א געוויסע חולשה וואס מ'האט געפונען ביים רבי'ן אין די לעצטערע טעג, גייט דער רבי אריבער באהאנדלונגען מיטן האפענונג אויף א גענצליכע רפואה, און דער ציבור חסידים ווערן געבעטן צו דאווענען לבריאתו השלימה פונעם רבי'ן, כ"ק מרן ישראל בן לאה אסתר לרפואה שלימה.
דאס קומט נאכדעם וואס די חסידים זענען געוואויר געווארן אז דער רבי איז אריבער פארשידענע אונטערזוכונגען אין די לעצטע וואך צוויי, כדי צו געבן א קלארע באריכט פאר די חסידים וואס ווילן וויסן דעם רבינ'ס מצב, האט דער משמש בקודש הרב שאול גרינבערגער שליט"א איבערגעגעבן א הודעה פון רבינ'ס שטוב וואו ער אדרעסירט די נושא, דערביי ברענגט ער ארויס אז דער רבי גייט ב"ה אן מיט די געווענליכע סדר היום, און די חסידים זאלן ווייטער דאווענען און אינזין האבן דעם רבי'ן אז ער זאל האבן א גענצליכע רפואה בקרוב ובניקל.
