נעכטן מאנטאג ביינאכט איז כ"ק אדמו"ר מוויזניץ שליט"א פון ירושלים, ארויסגעפארן אויפן וועג קיין קאליפארניע, וואו דער רבי וועט זיך אויפהאלטן די קומענדיגע וואכן אויף אפרוה אין די לאקאלע דעזערט פאלם ספרינגס געגנט למנוחת הנפש.
מארגן מיטוואך וועט דער רבי שליט"א אריינפארן צום דערנעבענדיגן שטאט לאס אנדזשעלעס, און באגלייטן פונדערנאנט די מעדיצינישע אנטוויקלונגען ביי שאר בשרו כ"ק אדמו"ר מוויזניץ שליט"א, וועלכער איז די וואך אנגעקומען פון ארץ ישראל קיין לאס אנדזשעלעס אויף א סעריע אונטערזוכונגען לצרכי רפואה. דער וויזניצער רבי פון ארץ ישראל האלט זיך אויף בבית האכסניא ביי הנגיד החסיד ר' שמואל בנימין איינהארן הי"ו, און פארט אריין אין די ארטיגע שפיטאל פאר אונטערזוכונגען און באהאנדלונגען.
אין די זעלבע צייט זענען אידישע קינדער מתפלל לרפואתו השלימה פונעם וויזניצער רבי'ן, כ"ק מרן ישראל בן לאה אסתר לרפואה שלימה, יתחדש כנשר נעוריו בבריאות השלימות.
