היינט קומט פאר די גרויסארטיגע מעמד המייסדים פאר די אויפבוי פון די נייע יונגל קעמפ מחנה בני בעלזא אין וואודרידזש, געאייגענט פאר די נדיבי לב המייסדים וואס שליסן זיך אן אלס שותפים נאמנים אין דעם מאסיוון פראיעקט, עס קומט פאר אין די פראכטפולע עבאוו באללרום אין סטעטן איילענד, אין שפיץ פון הגה"צ ר' אהרן מרדכי רוקח שליט"א בן כ"ק אדמו"ר מבעלזא שליט"א, וועלכער איז געקומען צו פארן קיין ניו יארק צום גרויסן מגבית הרחבת המלוכה.
הגה"צ המשפיע רבי שמעון שפיטצער שליט"א וועט היינט אויפדערנאכט אויפטרעטן מיט א שמועס הכנה צום יו"ט פורים, אין ביהמ"ד הגדול אין קרית וויזניץ בני ברק.
היינט קומט פאר די שמחת הבר מצוה פון א אור אייניקל ביי כ"ק אדמו"ר מדינוב שליט"א, אייניקל פון בנו הגדול הגה"צ ר' חיים אלעזר ראבינאוויטש שליט"א דומ"ץ וראש ישיבת דינוב, איידעם ביי כ"ק אדמו"ר מסטריזוב שליט"א, א זון פון זיין זון הרב שלמה רפאל ראבינאוויטש שליט"א, איידעם ביי כ"ק אדמו"ר מסטראזניץ שליט"א פון וומס"ב. – די שמחה קומט פאר אין ביהמ"ד דינוב אין וויליאמסבורג.
היינט קומט פאר די שמחת השבע ברכות פון א אייניקל ביי כ"ק אדמו"ר מתולדות אברהם יצחק שליט"א, די חתן א זון פון זיין איידעם הגה"צ ר' אפרים אהרן לעמבערגער שליט"א, זון פון הגה"צ אבד"ק מאקאווא ב"ב זצ"ל, מיט די כלה א טאכטער פון הגה"צ ר' חיים יחיאל מיכל האלבערשטאם שליט"א, זון פון כ"ק אדמו"ר מסטראפקוב שליט"א, און איידעם ביי הגה"צ ר' נפתלי הירצקא פרענקל זצ"ל חבר ביד"ץ העדה החרדית. – די שמחת השבע ברכות קומט פאר אין זאל אור הרשב"י אין אתרא קדישא מירון, צוגעשטעלט דורכ'ן זיידן כ"ק אדמו"ר מסטראפקוב שליט"א, אינאיינעם מיט די שמחת החאלאקע פון עטליכע אייניקלעך ביים רבי'ן.
היינט קומט פאר די שמחת השבע ברכות פונעם חתן א זון פון כ"ק אדמו"ר מפיטסבורג שליט"א, איידעם ביי כ"ק אדמו"ר מקרעטשניף י"ם שליט"א, מיט די כלה א טאכטער פון הגה"צ ר' אהרן אויערבאך שליט"א, זון פון הגה"צ ר' מרדכי אויערבאך שליט"א אבד"ק אביר יעקב תל אביב, און איידעם ביי הגה"צ ר' אליהו שטערנבוך זצ"ל ראב"ד אנטווערפן. – די שמחת השבע ברכות קומט פאר אין ביהמ"ד קרעטשניף אין בני ברק.
היינט קומט פאר די שמחת השבע ברכות פון א אייניקל ביי כ"ק אדמו"ר מוויזניץ שליט"א פון קייאמישע, די חתן א זון פון זיין זון הגה"צ ר' חיים מאיר האגער שליט"א, איידעם ביי הגה"צ אבד"ק ראחמיסטריווקא מאנסי שליט"א, מיט די כלה א אייניקל פון כ"ק אדמו"ר מוויזניץ שליט"א פון מאנסי, א טאכטער פון זיין זון הגה"צ ר' דוד דוב האגער שליט"א, איידעם ביי כ"ק אדמו"ר משאץ זצ"ל. – די שמחת השבע ברכות קומט פאר אין זאל בית אסתר אין בארא פארק.
היינט קומט פאר די שמחת החתונה פונעם חתן א זון פון הגה"צ ר' אברהם משה גרויס שליט"א אבד"ק קערעסטיר בערבעשט, איידעם ביי כ"ק אדמו"ר מלעלוב זצ"ל, מיט די כלה א טאכטער פון הגה"צ ר' חיים שלמה אדלער שליט"א ראש ישיבת דרכי נועם, איידעם ביי הגה"צ ר' שמעון יואל וויינבערגער שליט"א גאב"ד וויטקא. – די שמחת החתונה קומט פאר אין זאל ויואל משה אין וויליאמסבורג.
הגה"צ רבי אהרן ישעי' ראזנער שליט"א דומ"ץ סאמבאטהעלי, איידעם ביי כ"ק אדמו"ר מוויען שליט"א, זיצט שבעה צו די פטירה פון זיין זון בנש"ק הרב יוסף ראזנער ע"ה, אין זיין שטוב אין וויליאמסבורג ביז דעם מיטוואך אינדערפרי.
היינט געפאלט די ערשטע יארצייט פון הרבנית הצדיקת מסקווירא ע"ה, אשת חבר כ"ק אדמו"ר מסקווירא שליט"א, און טאכטער פון הרה"ק בעל ישועות משה מוויזניץ זי"ע.
אריינצושיקן מודעות און נייעס, שיקט אן אימעיל צו NEWS@JDNMAIL.COM
