היינט נאכט קומט פאר אין אנטווערפן די גרויסע דינער הנשיאים לטובת צדקת רבי מאיר בעל הנס כולל חבת ירושלים, אין שפיץ פון די נשיאי הכולל, כ"ק אדמו"ר מפשעווארסק שליט"א נשיא הכולל באייראפע, און כ"ק אדמו"ר מבאבוב שליט"א נשיא הכולל בארה"ב, וועלכער קומט היינט אן אויף א געהויבענע באזוך בקרב חסידיו אין אנטווערפן, די מעמד קומט פאר אין די בית רחל זאל אין אנטווערפן ברוב עם הדרת מלך.
היינט קומט פאר די מעמד חנוכת הבית פאר די נייע ביהמ"ד דחסידי צאנז אין רמת בית שמש ב', אין שפיץ פון כ"ק אדמו"ר מצאנז שליט"א.
היינט נאכט כ"ה אדר געפאלט די זעקסטע הילולא קדישא פון כ"ק אדמו"ר הרה"ק מסקולען זצ"ל בעל מאור ישראל, די צענטראלע יארצייט טיש דורך די קינדער און אייניקלעך האדמורי"ם שליט"א לבית סקולען, וועט פארקומען היינט אויפדערנאכט אין ביהמ"ד הגדול והחדש מאור ישראל סקולען אין ניי וויליאמסבורג. פילע אידן וועלן ארויפגיין צום ציון הק' אויפן וויזניצע בית החיים אין מאנסי להיפקד בדבר ישועה ורחמים.
כ"ק אדמו"ר מסקולען שליט"א פון ירושלים וועט אפרעכטן די יארצייט סעודה ברוב עם, אין די זאל שמחת ירושלים אויף רחוב פישל אין ירושלים עיה"ק.
אין סטעטן איילענד קומט פאר א יארצייט סעודה אין די נייע ביהמ"ד מאור ישראל, לשמו ולזכרו פונעם בעל ההילולא דער רבי זצ"ל.
היינט קומט פאר די שמחת החתונה פונעם חתן א זון פון הגה"צ ר' מנחם מענדיל מאסקאוויטש שליט"א רב דקהל אזמרה אין צפת, זון פון כ"ק אדמו"ר משאץ שליט"א פון ב"ב, און איידעם ביי כ"ק אדמו"ר מזידטשויב שליט"א פון ב"ב, מיט די כלה א טאכטער פון הגה"צ המשפיע ר' יודל דייטש שליט"א, זון פון הגה"צ ר' מתתיהו דייטש שליט"א גאב"ד רמת שלמה, און איידעם ביי הגה"צ גאב"ד קרית צאנז ירושלים שליט"א. – די שמחת החתונה קומט פאר אין זאל מונדיאל אין ירושלים.
היינט קומט פאר די שמחת החתונה פונעם חתן א זון פון הרב הערשל ווייס שליט"א, זון פון הגה"צ אבד"ק חאמעלניק ליזענסק שליט"א, און איידעם ביי כ"ק אדמו"ר מדזירקא שליט"א, מיט די כלה א טאכטער פון הרה"ג ר' שלום לאנדא שליט"א ראש ישיבה עמודי דגירסא. – די שמחת החתונה קומט פאר אין קאנטינענטאל זאל אין וויליאמסבורג.
צו די פטירה פון הרבנית מקאסאן לעיקוואד ע"ה, אשת חבר כ"ק אדמו"ר מקאסאן לעיקוואד שליט"א, זיצן שבעה די בני המשפחה בביתו נאוה קודש פונעם רבי'ן שליט"א אויף ברעדהארסט עוועניו אין לעיקוואד. דער ברודער כ"ק אדמו"ר מדעעש שליט"א זיצט שבעה בביתו נאוה קודש אויף רחוב רבי טרפון אין בני ברק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
