היינט קומט פאר די גרויסע מעמד הכנסת ספר תורה בחצר הקודש באבוב אין אנטווערפן, געשריבן געווארן דורך חברי קהילה קדושה באבוב לזכר נשמתו פונעם לאנגיעריגן רב ודומ"ץ הקהילה הגה"צ ר' משה האלבערשטאם זצ"ל, די מעמד קומט פאר אין שפיץ פון כ"ק אדמו"ר מבאבוב שליט"א וועלכער איז אנגעקומען צוגאסט קיין אנטווערפן לכבוד די חגיגה, די תהלוכה וועט ארויסגיין פון שטוב פון הרה"ג ר' עמרם האניג שליט"א דיין דקהל מחזיקי הדת און מרביץ תורה אין ביהמ"ד באבוב אנטווערפן, די ריקודין וועלן פארקומען בהיכל ביהמ"ד, און דערנאך א מסיבת לחיים וואו דער רבי שליט"א וועט משמיע זיין דברות קודש. שפעטער ביינאכט וועט פארקומען א כינוס רבתי פאר כלל חסידי באבוב אין אייראפע אין זאל עטרת לאה בעלזא, אינאיינעם מיט די סיום מסכת חולין וואס איז געלערנט געווארן אין ראם פון סדר הלימוד קנין תורה דחסידי באבוב.

היינט כ"ה אדר געפאלט די יומא דהילולא קדישא פון כ"ק אדמו"ר מסקולען זצ"ל בעל מאור ישראל, פילע אידן גייען ארויף צום ציון הק' אויפן וויזניצע בית החיים אין מאנסי, אין שפיץ פון בניו ונכדיו כ"ק מרנן האדמורי"ם שליט"א לבית סקולען, די קינדער און אייניקלעך האדמורי"ם וועלן אפרעכטן די יארצייט טישן אין די בתי מדרשים.

היינט קומט פאר די שמחת החתונה פון א אייניקל ביי הגה"צ ר' מאיר הייזלער שליט"א ראש ישיבת קאוונא, די חתן א זון פון זיין זון הרב יעקב הייזלער שליט"א, מיט די כלה א טאכטער פון הנגיד החסיד ר' יצחק אייזיק דייטש הי"ו ראה"ק באבוב 45. – די שמחת החתונה קומט פאר אין זאל כתר ריזל אין וויליאמסבורג.

היינט קומט פאר די שמחת החתונה פונעם חתן א זון פון הרב שלמה יואל גאלד שליט"א, זון פון הגה"צ ר' מענדיל גאלד שליט"א אב"ד לובלין, און איידעם ביי הגה"צ אבד"ק ברעזנא שליט"א, מיט די כלה א טאכטער פון הרב נטע שלום פירטה שליט"א. – די שמחת החתונה קומט פאר אין זאל תפארת רבקה אין בארא פארק.

אריינצושיקן מודעות און נייעס, שיקט אן אימעיל צו NEWS@JDNMAIL.COM