שמחת בית סקווירא: היינט קומט פאר די שמחת פדיון הבן פון די עלטסטע אור אור אייניקל ביי כ"ק אדמו"ר מסקווירא שליט"א, עלטסטע אור אייניקל ביי בנו הגדול הגה"צ ר' אהרן מענדיל טווערסקי שליט"א, אייניקל פון זיין איידעם הגה"צ ר' לייבוש טייטלבוים שליט"א, זון פון הגה"צ אבד"ק בית אהרן שליט"א, בן הנולד ביי זיין איידעם הרב נפתלי יחיאל מיכל טווערסקי שליט"א, זון פון הגה"צ ר' אברהם יהושע אשר טווערסקי שליט"א, זון פון כ"ק אדמו"ר מראחמיסטריווקא שליט"א. – די שמחה קומט פאר אינעם גרויסן שאטער אין סקווירא שטעטל.

שמחת בית פאפא: היינט קומט פאר די שמחת התנאים פון א אייניקל ביי כ"ק אדמו"ר מפאפא שליט"א, די כלה א טאכטער פון זיין איידעם הגה"צ ר' מאיר יחיאל מיכל דייטש שליט"א אבד"ק מעייני הישועה  מאנסי, זון פון הגה"צ ר' יחזקאל דייטש שליט"א אבד"ק מקור חיים, מיט די חתן א זון פון הגה"צ ר' משה מנחם זעגעלבוים שליט"א אבד"ק אלכסנדר וומס"ב, זון פון הגה"צ ר' ליפא זעגעלבוים שליט"א מוויען, און איידעם ביי הגה"צ ר' סיני האלבערשטאם שליט"א אדמו"ר מצאנז וומס"ב, איידעם ביי הגה"צ אבד"ק שימלויא שליט"א. – די שמחה קומט פאר אין ביהמ"ד מעייני הישועה אין מאנסי.

היינט קומט פאר די שמחת התנאים פון א אייניקל ביי כ"ק אדמו"ר מדינוב שליט"א, די חתן א זון פון זיין זון הגה"צ ר' שלמה ראבינאוויטש שליט"א אבד"ק דינוב ב"פ, איידעם ביי הגה"צ ר' שמואל גרויס שליט"א מקערעסטיר בערבעשט, מיט די כלה א טאכטער פון הגה"צ ר' אשר אדלער שליט"א אבד"ק סערעדנא מאנסי, איידעם ביי הגה"צ ר' מאיר שמואל קליינמאן זצ"ל אבד"ק מארגארעטען. - די שמחה קומט פאר אין תפארת עלקא זאל אין מאנסי.

היינט קומט פאר די שמחת הבר מצוה פון א זון ביי הרב אפרים פישל פריעדמאן שליט"א, זון פון כ"ק אדמו"ר מסאדיגורא זצ"ל, און איידעם ביי כ"ק אדמו"ר מראפשיץ שליט"א. – די שמחה קומט פאר אין זאל רידזש טערעס אין לעיקוואד.

היינט נאכט ט' ניסן געפאלט די יומא דהילולא קדישא פון כ"ק אדמו"ר הרה"ק בעל אמרי חיים מוויזניץ זי"ע, די אייניקלעך כ"ק האדמורי"ם מוויזניץ שליט"א וועלן אפרעכטן די יארצייט טישן ברוב עם, פילע אידן וועלן ארויפגיין צום ציון הק' אויפן וויזניצע בית החיים אין בני ברק, אין ביהמ"ד הגדול אין קרית וויזניץ בני ברק וועט פארקומען די צענטראלע יארצייט סעודה היינט אויפדערנאכט, אין שפיץ פון הגה"צ ראש ישיבת וויזניץ, אב"ד קרית וויזניץ, און אב"ד סלונים ביתר, אייניקלעך פונעם בעל ההילולא. נכדו כ"ק אדמו"ר מוויזניץ שליט"א פון ירושלים וועלכער איז צוגאסט די טעג בקרב חסידיו אין ארץ ישראל, וועט אפרעכטן די יארצייט טיש היינט אויפדערנאכט אין ביהמ"ד הגדול דקהל תורת חיים וויזניץ אויף רחוב אדוניהו הכהן.

היינט נאכט ט' ניסן געפאלט די יומא דהילולא קדישא פון כ"ק אדמו"ר מסאסרעגען זצ"ל, די יארצייט סעודה און סיום הש"ס אין שפיץ פון די קינדער הגה"צ אבד"ק באבוב 45, כ"ק האדמורי"ם מבריזדוביץ, קאלאמייא, און ספינקא שליט"א, קומט פאר היינט אויפדערנאכט אין ביהמ"ד סאסרעגען אין פלעטבוש.

היינט קומט פאר די יערליכע כינוס הילולא און דינער השנתי לטובת מבצר התורה ישיבה ד'מאנסי, צום פיפטן הילולא קדישא פונעם מייסד וראש הישיבה הגה"צ ר' משה גרין זצ"ל, עס קומט פאר אין זאל עטרת פריידא אין שיכון סקווירא.

היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד תולדות יעקב יוסף דחסידי סקווירא אויף די פערצנטע עוועניו אין בארא פארק, נדבת הרב החסיד ר' שרגא פייוויש לאנגזאם הי"ו.

כ"ק אדמו"ר מראחמיסטריווקא שליט"א פון לעיקוואד וועט היינט אויפדערנאכט אויפטרעטן מיט א שמועס הכנה ליו"ט פסח, בהיכל ביהמ"ד הגדול ראחמיסטריווקא אין לעיקוואד.

אריינצושיקן מודעות און נייעס, שיקט אן אימעיל צו NEWS@JDNMAIL.COM