שמחת בית לעלוב – מודזיץ – אופלע: עס איז געשלאסן געווארן די שידוך פון א אייניקל ביי כ"ק אדמו"ר מלעלוב שליט"א, די חתן א זון פון בנו הגדול הגה"צ ר' יואל זושא בידערמאן שליט"א, איידעם ביי הגה"צ אבד"ק מאקאווא אלעד זצ"ל, מיט די כלה א טאכטער פון כ"ק אדמו"ר מאופלע שליט"א, איידעם ביי כ"ק אדמו"ר ממודזיץ שליט"א.
היינט קומט פאר די שמחת החתונה פון א אייניקל ביי הגה"צ ר' שמשון ציננער שליט"א אבד"ק תבואות שמש סאקאלאוו, די חתן א זון פון זיין איידעם הרב שמעון ישראל וואלטער שליט"א, זון פון הגה"צ אבד"ק נירעדהאז זצ"ל, איידעם ביי הגה"צ אבד"ק טענקא זצ"ל, מיט די כלה א טאכטער פון הרב אברהם סאלינסקי שליט"א. – די שמחת החתונה קומט פאר אין זאל פרדס צבי אין וויליאמסבורג.
היינט נאכט ו' ניסן געפאלט די זעקסטע הילולא קדישא פון כ"ק אדמו"ר מווערדאן זצ"ל, די צענטראלע יארצייט טיש אין שפיץ פון בניו וחתניו האדמורי"ם שליט"א קומט פאר אין ביהמ"ד ווערדאן אין פלעטבוש. בנו הגדול כ"ק אדמו"ר מווערדאן שליט"א פון ירושלים וועט אפרעכטן די יארצייט טיש אין ביהמ"ד הגדול דקהל תורת חיים וויזניץ אויף רחוב אדוניהו הכהן אין ירושלים.
כ"ק אדמו"ר מאמשינאוו ארה"ב שליט"א וועט היינט נאכמיטאג אפרעכטן א לחיים טיש לרגל די הילולא קדישא פון זקינו הרה"ק רבי יעקב דוד מאמשינאוו זצ"ל, בבית מדרשו אין בארא פארק.
היינט קומט פאר די מעמד הנחת אבן הפינה פאר די נייע ביהמ"ד הליכות משה דחסידי נדבורנא ירושלים אין די רמה ד' געגנט אין בית שמש, אין שפיץ פון כ"ק אדמו"ר מנדבורנא ירושלים שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
