צוויי געהויבענע מעמדים איז פארגעקומען אין די יעצטיגע טעג בחצר הקודש וויען, מיטן פארשריט ביים שרייבן די ספר תורה לכבודו ולזכותו פון כ"ק אדמו"ר מוויען שליט"א, דורך כלל תלמידי וחסידי וויען פון איבער די גאנצע וועלט.
מוצאי שבת איז פארגעקומען א באשיידענע סעודת מלוה מלכה און סיום כתיבת ספר בראשית, געאייגענט ספעציעל פאר די בני משפחת המלוכה, די קינדער און אייניקלעך פונעם רבי'ן, וועלכע האבן מנדב געווען די זכות פון פרשת ויחי אינעם ספר תורה.
דעם דינסטאג איז פארגעקומען די געהויבענע מעמד התחלת כתיבת ספר שמות, ספעציעל געאייגענט פאר די הונדערטער בחורי החסידות, ביים גרויסארטיגן כינוס בחורי אנשי שלומינו, וואו די בחורים האבן זיך צוזאמגענומען אין ביהמ"ד הגדול אויף א סדר לימוד, און דערנאך געהאט די זכיה צו הערן דברות קודש פון כ"ק אדמו"ר מוויען שליט"א לקראת יו"ט פסח. דערנאך האט דער רבי אריינגעשריבן די ערשטע אותיות אין ספר שמות, און אלע בחורים זענען אריבער ביים רבי'ן איבערגעבן די שטרי קבלה.
