תלמידי וחסידי וויען גרייטן זיך צו די געהויבענע שמחת החתונה בחצר הקודש וויען, וואס קומט פאר אין צוויי וואכן ארום דינסטאג פרשת כי תבוא, און וועט אין א ערשטמאליגע פארנעם געפראוועט ווערן בהיכל בית המדרש הגדול דקהל עדת יראים וויען, ביים ווינקל פון ליע עוועניו און ראובלינג סטריט.
די רעדע איז פון די שמחת החתונה פון א אייניקל ביי כ"ק אדמו"ר מוויען שליט"א, די חתן א זון פון זיין איידעם הגה"צ ר' יואל האלבערשטאם שליט"א אב"ד טארניגראד, זון פון הגה"צ ר' שמואל חיים האלבערשטאם שליט"א מקשאנוב, מיט די כלה א טאכטער פון הגה"צ ר' ישראל דוד האניג שליט"א ראש ישיבה קטנה אמרי חיים וויזניץ בארא פארק.
אין בעפארברייטונג צו די ערשטמאליגע שמחת החתונה אין היכל בית המדרש, איז פאררופן געווארן א ספעציעלע אסיפת עסקנים אויף דעם מיטוואך פרשת שופטים, וואו עס וועלן זיך צוזאמקומען די עסקני הקהילה דורכצוטון אלע דעטאלן פון די גרויסע שמחה, צו פארזיכערן די מאקסימום סוקסעס מיטן אויבערשטנס הילף.
