שמחת בית טאהש: עס איז געשלאסן געווארן די שידוך פון א אייניקל ביי כ"ק אדמו"ר מטאהש שליט"א, די כלה א טאכטער פון זיין זון הגה"צ ר' חיים יחיאל אלטר סג"ל לאווי שליט"א, איידעם ביי הגה"צ ר' סיני וואגשאהל שליט"א מלאנצוהט, מיט די חתן א זון פון הגה"צ ר' חיים ארי' כהנא שליט"א אבד"ק זכרון אלימלך ספינקא מאנסי, איידעם ביי הגה"צ ר' זלמן לייב פילאפף שליט"א אבד"ק מכלל יופי וחבר ביד"ץ דקהל יטב לב ד'סאטמאר.
שמחת בית וויזניץ - קאלוב: היינט קומט פאר די שמחת החתונה פון א אייניקל ביי כ"ק אדמו"ר מוויזניץ שליט"א פון מאנסי, די חתן א זון פון זיין זון הגה"צ ר' דוד דוב האגער שליט"א, איידעם ביי כ"ק אדמו"ר משאץ זצ"ל פון וויליאמסבורג, מיט די כלה א טאכטער פון הגה"צ ר' יעקב יוסף האגער שליט"א, זון פון כ"ק אדמו"ר מוויזניץ שליט"א פון לאנדאן, און איידעם ביי הגה"צ ר' ישכר דוב טויב שליט"א אבד"ק זכרון נפתלי ארי' נעשכיז וומס"ב, אור אייניקל פון כ"ק אדמו"ר מקאלוב שליט"א. – די שמחת החתונה קומט פאר אין ביהמ"ד הגדול וויזניץ אין מאנסי.
שמחת בית וויען: היינט קומט פאר די שמחת החתונה פון א אייניקל ביי כ"ק אדמו"ר מוויען שליט"א, די חתן א זון פון זיין איידעם הגה"צ ר' יואל ווייסמאנדל שליט"א, זון פון הגה"צ ר' מנחם מאיר ווייסמאנדל שליט"א אבד"ק נייטרא מאנסי, מיט די כלה א טאכטער פון הגה"צ ר' פנחס אלי' קופפערמאן שליט"א, איידעם ביי הגה"צ ר' חיים אויש שליט"א אבד"ק וואולקאן. - די שמחת החתונה קומט פאר אין זאל עטרת חינקא אין בארא פארק.
שמחת בית דעעש – ספינקא סוליצא: היינט קומט פאר די שמחת החתונה פון א אייניקל ביי כ"ק אדמו"ר מדעעש שליט"א, די חתן א זון פון זיין איידעם הגה"צ ר' נחמן כהנא שליט"א, זון פון כ"ק אדמו"ר מספינקא סוליצא שליט"א, מיט די כלה א טאכטער פון הגה"צ ר' דוד ווייס שליט"א, זון פון הגה"צ גאב"ד קרית צאנז ירושלים שליט"א, און איידעם ביי הגה"צ אבד"ק מאקאווא אשדוד שליט"א. – די שמחת החתונה קומט פאר אין זאל מונדיאל אין ירושלים.
היינט קומט פאר די שמחת החתונה פונעם חתן א זון פון הגה"צ ר' מאיר יוסף אשכנזי שליט"א, זון פון כ"ק אדמו"ר מהורדענקא שליט"א פון פלעטבוש, און איידעם ביי הגה"צ אבד"ק פאפא ב"פ שליט"א, מיט די כלה א טאכטער פון הגה"צ ר' זלמן לייב אשכנזי שליט"א, זון פון הגה"צ ר' אשר אנשיל אשכנזי שליט"א אבד"ק חוות דעת סיגעיט, און איידעם ביי הגה"צ אבד"ק נעפלעמיץ שליט"א. – די שמחת החתונה קומט פאר אין זאל תפארת רבקה אין בארא פארק.
היינט קומט פאר די שמחת החתונה פונעם חתן א זון פון הגה"צ ר' משה חיים אפרים ראזענבוים שליט"א, זון פון כ"ק אדמו"ר מסטראזניץ לאנדאן שליט"א, און איידעם ביי הגה"צ ר' אהרן זילבערשטיין שליט"א, מיט די כלה א טאכטער פון הגה"צ ר' חיים יוסף ליסויער שליט"א אבד"ק קאריץ, זון פון כ"ק אדמו"ר מנאנאש ריווערדעיל שליט"א, און איידעם ביי כ"ק אדמו"ר מקאליש זצ"ל. – די שמחת החתונה קומט פאר אין זאל אור החיים וויזניץ אין בארא פארק.
היינט קומט פאר די שמחת החתונה פון א אור אייניקל ביי כ"ק אדמו"ר ממעליץ שליט"א, אייניקל פון בנו הגדול הגה"צ ר' ברוך הורוויץ שליט"א דומ"ץ מעליץ, די חתן א זון פון זיין זון הגה"צ ר' יואל הורוויץ שליט"א, איידעם ביי הגה"צ ר' יעקב מערץ שליט"א אדמו"ר מתפארת יחזקאל, מיט די כלה א טאכטער פון הגה"צ ר' נתנאל מנחם דייטש שליט"א אב"ד פאטא, איידעם ביי הרה"ג ר' צבי שטערן זצ"ל אבד"ק תורת ישראל. – די שמחת החתונה קומט פאר אין זאל עטרת מלכה אין קרית יואל.
היינט קומט פאר די שמחת החתונה פונעם חתן א זון פון הגה"צ ר' אברהם יהושע העשיל אונגער שליט"א, זון פון הגה"צ ר' שלום גרשון אונגער שליט"א אב"ד זאבנא, און איידעם ביי הגה"צ ר' שלום אהרן נחום מאסקאוויטש שליט"א משאץ. מיט די כלה א טאכטער פון הגה"צ ר' לוי יצחק ראזנער שליט"א, זון פון הגה"צ אבד"ק טערצאל שליט"א, און איידעם ביי הגה"צ אבד"ק מאדא שליט"א. – די שמחה קומט פאר אין זאל פון ווילחאוויץ אין מאנסי.
היינט קומט פאר די שמחת החתונה פונעם חתן א זון פון הגה"צ ר' שלמה יונגער שליט"א דומ"ץ טאהש קרית יואל, זון פון הגה"צ ר' יהודה אליעזר יונגער שליט"א אבד"ק קהל יראים אין מאנסי, מיט די כלה א טאכטער פון הגה"צ ר' יואל דייטש שליט"א, זון פון הגה"צ ר' יעקב חיים דייטש שליט"א מסענדרא דעטרויט, און איידעם ביי הגה"צ ר' ישראל מענדיל וואגשאהל שליט"א מלאנצוהט. – די שמחת החתונה קומט פאר אין זאל עטרת חי' שרה אין מאנסי.
היינט קומט פאר די שמחת הברית פון א אייניקל ביי כ"ק אדמו"ר מסאטמאר שליט"א, בן הנולד ביי זיין יונגסטן איידעם הגה"צ ר' אלחנן חיים פילאפף שליט"א, זון פון הגה"צ ר' זלמן לייב פילאפף שליט"א אבד"ק מכלל יופי וחבר ביד"ץ דקהל יטב לב ד'סאטמאר. – די שמחה קומט פאר אין ביהמ"ד אהל פיגא דקהל יטב לב ד'סאטמאר אין וויליאמסבורג.
היינט קומט פאר די שמחת פדיון הבן פון א אור אייניקל ביי כ"ק אדמו"ר מקיוויאשד שליט"א, אייניק פון זיין איידעם און שוואגער הגה"צ ר' יוסף לויפער שליט"א, בן הנולד ביי זיין זון הרב צבי אלימלך לויפער שליט"א, איידעם ביי הגה"צ ר' יעקב בער אשכנזי שליט"א אדמו"ר מסטאניסלאוו אלעסק, איידעם ביי כ"ק אדמו"ר מטשערנאביל שליט"א. – די שמחה קומט פאר אין ביהמ"ד קיוויאשד אין וויליאמסבורג.
לרגל די יומא דהילולא קדישא פונעם הייליגן בת עין זי"ע וואס געפאלט היינט אויפדערנאכט י"ב כסלו, קומט היינט פאר א יארצייט סעודה אין ביהמ"ד צאנז אין בארא פארק, אין שפיץ פון הגה"צ אבד"ק צאנז ארה"ב שליט"א בן כ"ק אדמו"ר מצאנז שליט"א.
לרגל די יומא דהילולא קדישא פונעם הייליגן בת עין זי"ע וואס געפאלט היינט אויפדערנאכט י"ב כסלו, קומט היינט פאר א יארצייט סעודה אין זאל עטרת מרדכי טאהש אין בארא פארק, וואו עס וועט אויפטרעטן הגה"צ רבי שמואל יהודה זילבער שליט"א אבד"ק אמונת ישראל.
אריינצושיקן מודעות און נייעס, שיקט אן אימעיל צו NEWS@JDNMAIL.COM
