שמחת בית באיאן: היינט קומט פאר די שמחת החתן מאהל פון א אייניקל ביי כ"ק אדמו"ר מבאיאן שליט"א, די כלה א טאכטער פון בנו הגדול הגה"צ ר' יוסף ברייאר שליט"א, איידעם ביי הגאון החסיד ר' יעקב שרייבער שליט"א מחשובי חסידי באיאן, מיט די חתן א זון פון הגה"צ ר' שלום וואגשאהל שליט"א. – די שמחה קומט פאר אין ביהמ"ד הגדול באיאן אין ירושלים.
שמחת בית מאקאווא: היינט קומט פאר די שמחת השבע ברכות פון א אייניקל ביי כ"ק גאב"ד מאקאווא שליט"א, די חתן א זון פון זיין זון הגה"צ ר' יואל יצחק לעמבערגער שליט"א, איידעם ביי הגה"צ ר' יהושע רובין שליט"א אבד"ק טאמאשוב ב"ב, מיט די כלה א טאכטער פון כ"ק אדמו"ר מקרעטשניף טשערנאוויץ שליט"א, זון פון כ"ק אדמו"ר מקרעטשניף קרית גת זצ"ל, און איידעם ביי כ"ק אדמו"ר מתולדות אהרן שליט"א. – די שמחת השבע ברכות קומט פאר אין די מיטאג שעות בהיכל ישיבת מאקאווא אין קרית אתא.
היינט קומט פאר די שמחת החתונה פונעם חתן א זון פון הגה"צ ר' חיים ישעי' טאוב שליט"א, זון פון כ"ק אדמו"ר ממודזיץ פלעטבוש שליט"א, און איידעם ביי הגה"צ אבד"ק טענקא פלעטבוש שליט"א, מיט די כלה א טאכטער פון הרב יוסף שטערנהעלל שליט"א, איידעם ביי הגה"צ ר' חיים דוד בלום שליט"א ר"ם במתיבתא עץ חיים ד'באבוב. – די שמחת החתונה קומט פאר אין זאל אהלי פרידא אין בארא פארק.
היינט קומט פאר די שמחת הבר מצוה פון א אייניקל ביי כ"ק אדמו"ר מקאמארנא שליט"א, א זון פון זיין זון הגה"צ ר' יודא ארי' סאפרין שליט"א ראש כולל להוראה קול יעקב קאמארנא. – די שמחה קומט פאר אין זאל המלכות אין ביתר.
היינט קומט פאר די שמחת הבר מצוה פון א זון ביי הגה"צ ר' מנחם מענדיל יהושע לעמבערגער שליט"א, זון פון הגה"צ אבד"ק מאקאווא ב"ב זצ"ל, און איידעם ביי הגה"צ ר' ירמי' ניישלאס שליט"א אבד"ק סערדאהעלי בני ברק. – די שמחה קומט פאר אין זאל פון מוסדות בוהוש אויף רחוב חגי אין בני ברק.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד הגדול והחדש דחסידי פשעווארסק אין אנטווערפן, נדבת הרב החסיד ר' ישכר דוב גראסמאן הי"ו, אין שפיץ פון כ"ק אדמו"ר מפשעווארסק שליט"א.
כ"ק אדמו"ר מוויזניץ שליט"א וועלכער האט געוויילט די לעצטע פאר טעג אין פוילין אויף א מסע הקודש מיט די נדיבים בעם תומכי ובוני ישיבה גדולה וויזניץ לאנדאן, וועט היינט ממשיך זיין די נסיעה קיין אוקראינע צו פוקד זיין קברי אבות, אינאיינעם מיט א געקליבענע צאל בני המשפחה.
כ"ק אדמו"ר מסטוטשין שליט"א לאזט זיך היינט ארויס אויף א קורצע נסיעה קיין אייראפע, צו אויפטרעטן אלס נואם הכבוד ביי די יערליכע דינער'ס פון כולל חבת ירושלים, מארגן דינסטאג אין לאנדאן, און צומארגנס מיטוואך אין אנטווערפן.
היינט קומט פאר די מעמד חנוכת הבית פאר די נייע ביהמ"ד מאקאווא אין אלעד, אינאיינעם מיט די סעודת הילולא צום זעקסטן יארצייט פון הגה"צ אבד"ק מאקאווא אלעד זצ"ל.
אריינצושיקן מודעות און נייעס, שיקט אן אימעיל צו NEWS@JDNMAIL.COM
