היינט דינסטאג פרשת עקב וועט כ"ק אדמו"ר מאמשינאוו ארה"ב שליט"א ארויספארן אויף א לענגערע נסיעה קיין ארץ ישראל, צו באשיינען די שמחת החתונה בחצרות בית אמשינוב, די חתן א זון פון זיין ברודער כ"ק אדמו"ר מאמשינאוו בית שמש שליט"א, אור אייניקל פון כ"ק גאב"ד מאקאווא שליט"א, מיט די כלה א אייניקל פון שאר בשרו כ"ק אדמו"ר מאמשינוב שליט"א.
די שמחת החתונה קומט פאר מארגן מיטוואך חמשה עשר באב אין די אחוזת פרידמאן זאל אין שטאט אשדוד, וואו דער רבי שליט"א וועט באשיינען אינאיינעם מיט די חשובע מחותנים אדמור"י בית אמשינוב, ווען די פריערדיגע צדיקים שרפי מעלה לבית אמשינוב זענען א זיידע פון ביידע צדדים.
לויטן פלאן וועט דער רבי שליט"א פארבלייבן אין ארץ ישראל פאר די קומענדיגע פיר וואכן, און זיך אויפהאלטן אויף אפרוה אין עיר הקודש טבריה, זייענדיג דארט אין גליל העליון וועט דער רבי שליט"א מתפלל זיין ביי די מקומות הקדושים אין מירון צפת און טבריה, און אנהייב וואך פרשת כי תבוא וועט זיך דער רבי שליט"א אומקערן אהיים למעון קדשו אין בארא פארק.
