זיך גרייטענדיג צום היסטארישן מעמד סיום הש"ס וואס וועט פארקומען קומענדיגן חודש סיון, ווען הונדערטער סאטמארע חסידים גרייטן זיך צו ענדיגן גאנץ ש"ס אין ראם פון די סדר הלימוד "תורתך שעשועי", וועט דעם שבת פארקומען א ספעציעלע שבת מיטן נאמען "המסיימים", אוועקצושטעלן א פרישע באזע פון לומדים, צום אנהייב פון די לעצטע מסכתא אין ש"ס.
די גרויסע שבת המסיימים קומט פאר דעם שבת פרשת בא אין די פראכטפולע ארמון האטעל אין סטעמפארד קאנעקטיקוט, וואו עס איז ערווארטעט א גאר רייכע פראגראם מיט טאלאנטפולע רעדנערס, בעלי דרשנים און מגידים. הרה"ג ר' לייבוש קארניאל שליט"א ראש כולל אין בעלזא ירושלים, הרה"ג ר' יוסף חיים גרינוואלד שליט"א, הרה"ג ר' שמואל דוד פריעדמאן שליט"א מח"ס שדה צופים, הרה"ג ר' משה טראכטמאן שליט"א מחבר גליוני תלמודו בידו, הרה"ג ר' בערל טויבער שליט"א ר"ם בישיבת אור תורה, הרה"ג ר' הירצקא גרינפעלד שליט"א מנהל ישיבת צאנז סטעטן איילענד, הרה"ג ר' שניאור זלמן ווייס שליט"א ר"ם בישיבת נייפעסט, הרה"ג ר' יוסף פלוך שליט"א מראשי אירגון מזומנים, הרה"ג ר' יהושע העשיל זיידענפעלד שליט"א, הרה"ג ר' דוד גרינפעלד שליט"א ר"ם בישיבת סאטמאר, הרה"ג ר' משה טייטלבוים שליט"א מרבני כולל ארץ צבי, הרה"ג ר' דוד פערל שליט"א מרביץ תורה אין סאטמאר, הרה"ג ר' חיים אהרן אונגאר שליט"א דומ"ץ ביהמ"ד לב אהרן ד'סאטמאר וומס"ב, הרה"ג ר' שלמה שבתי קעסטנבוים שליט"א מרבני חבורת תורתך שעשועי, הרה"ג ר' יוסף צבי בינעט שליט"א ר"ם בישיבת סאטמאר, און הרה"ג ר' דוד שלמה לאוב שליט"א ר"ם בק"ק סאטמאר מאנסי.
במוצאי יום גילה, וועט ווערן אפגעראכטן א ספעציעלע מעמד שמחת התורה, סיום סדר קדשים והתחלת מסכת נדה, ברוב פאר והדר והמון חוגג, צו וואו עס וועלן קומען צו פארן פרישע הונדערטער לומדים ומסיימים צו זיין א טייל פון די פרעכטיגע כבוד התורה. מיטן צענטראלן דרשה וועט אויפטרעטן הרה"ג ר' אליהו בראדני שליט"א ראש ישיבת מיר פלעטבוש.
אין די זעלבע צייט ווערט אויך געפייערט חגיגת התורה אין די אנדערע סאטמארע תורה חבורה "יסודי התורה", און קומענדיגן מוצאי שבת וועט פארקומען א גרויסע מעמד סיום מסכת גיטין אין אימפעריאל זאל אין וויליאמסבורג, וואו עס וועט אויפטרעטן מיטן משא המעמד הגה"צ אבד"ק סאטמאר וומס"ב שליט"א.
