בחצר הקודש סאטמאר ווערט געמאלדן אצינד איבער די קביעת זמן החתונה פאר די היסטארישע חתונה אין סאטמארער הויף, ווען אין א התרגשות'דיגע מאמענט וועט כ"ק אדמו"ר מסאטמאר שליט"א באשיינען על ראש שמחתו ביי די חתונה פונעם ערשטן אור אייניקל מיטן אויבערשטנס הילף, גרייכענדיג דעם היסטארישן שמחה אויף וואס אלפי חסידי סאטמאר קוקן ארויס מיט שפאנונג.
די גרויסע חתונה איז באשטימט געווארן אויף קומענדיגע ווינטער שנת תשפ"ו, ביום ט"ו כסלו וואס געפאלט דאנערשטאג פרשת וישלח, און קומט אויס געציילטע טעג בעפאר די יומא דריגלא כ"א כסלו, ווען אלפי חסידי סאטמאר קומען זיך צוזאם תחת קורת גג אחד צו פייערן די נס ההצלה והשחרור פון הרה"ק מסאטמאר זי"ע.
טראץ וואס עס איז נאכנישט באשטעטיגט וואו די גרויסע מעמדים וועלן פארקומען, צו אין די גיגאנטישע שאטער אין וויליאמסבורג ווי די פארלאפענע יארן, אדער אין א ריזן גיגאנטישע זאל וואס וועט ווערן ארויסגעדינגען דורך די הנהלת הקהילה, איז אבער באשטעטיגט געווארן דורך די וועד השמחה אז די גרויסע שמחת החתונה וועט פארקומען אינעם זעלבן לאקאציע ווי די גרויסע מעמד כ"א כסלו, וואס וועט פארוואנדלט ווערן אין א סאטמארע שמחה צענטער פאר ביידע היסטארישע מעמדים צוגלייך.
ביים גרויסן מעמד הודאה כ"א כסלו וועט געפראוועט ווערן די לעצטע שבע ברכות ביים רבי'ן אין הויף, און אין א ערשטמאליגע שריט וועלן די טויזענטער חסידים גיין אנגעטון מיט בגדי שבת לכבוד די שמחה ביים רבי'ן.
