א אייגענארטיגע אסיפת הרבנים איז פארגעקומען היינט דאנערשטאג נאכמיטאג, ווען עס האבן זיך צונויפגעזאמלט חשובע רבנים פארשטייער פון די גרעסערע קהילות הקודש אין ניו יארק, צו דורכשמועסן פארשידענע ענינים איבער די טעכנעלאגישע כלים, אינאיינעם מיט די עסקנים פון די באקאנטע "וועד הקהלות" וואס געבט זיך אפ צוצושטעלן כשר'ע טעלעפאנען פארן היימישן ציבור.

אין שפיץ פון די אסיפה האט זיך אנגעזעהן א צאל בניו הגדולים פון די גרעסערע חסידישע רבי'ס אין ניו יארק, וואס האבן זיך משתתף געווען בשליחות הקודש פון זייערע טאטעס די אדמורי"ם, הגה"צ אבד"ק סאטמאר וומס"ב שליט"א בנו הגדול פון כ"ק אדמו"ר מסאטמאר שליט"א, הגה"צ אבד"ק סאטמאר ירושלים שליט"א בנו הגדול פון כ"ק אדמו"ר מסאטמאר שליט"א, הגה"צ ר' אהרן מענדיל טווערסקי שליט"א בנו הגדול פון כ"ק אדמו"ר מסקווירא שליט"א, הגה"צ ר' יוסף אונגער שליט"א בנו הגדול פון כ"ק אדמו"ר מבאבוב 45 שליט"א, הגה"צ ר' יעקב יוסף האגער שליט"א בנו הגדול פון כ"ק אדמו"ר מוויזניץ שליט"א פון מאנסי, הגה"צ ר' מאיר יוסף רובין שליט"א דומ"ץ ראחמיסטריווקא חתנו הגדול פון כ"ק אדמו"ר מראחמיסטריווקא שליט"א, הגה"צ ר' חיים מאיר הורוויץ שליט"א דומ"ץ וויזניץ וומס"ב, און הגה"צ ר' חיים מאיר האגער שליט"א בנו הגדול פון כ"ק אדמו"ר מוויזניץ שליט"א פון וויליאמסבורג, הגה"צ ר' נפתלי האגער שליט"א בנו הגדול פון כ"ק אדמו"ר מוויזניץ שליט"א פון בארא פארק, און נאך א רייע רבנים, דיינים, ואישי ציבור.