דעם מוצאי שבת שובה תיכף נאך הבדלה, האט כ"ק אדמו"ר מטשערנאביל שליט"א אויפגעטרעטן מיט קורצע ווערטער איבער די שווערע פינאנציעלע צושטאנד וואס הערשט אין די קאסע פון די מוסדות הקדושים, נאך וואס עס איז פשוט נישט דא דאס געלט צו באצאלן די איינגעשטעלטע, און די חשובע מגידי שיעור און מחנכים האבן נישט אויף יום טוב צו מאכן.
דער רבי האט מחייב געווען יעדן חסיד זיך אנצושליסן מיט א איינמאליגע סכום פון צוועלף הונדערט שקל און דערמיט לינדערן די קריזיס, בעטנדיג אז מען זאל דאס איבערגעבן פאר די גבאים די משמשים בקודש. אין א מודעה וואס איז ארויסגעשיקט געווארן דורך דעם רבינ'ס שטוב ווערט ארויסגעברענגט די נחיצות הענין גייענדיג בנפשו פונעם רבי'ן, און די טעלעפאן נומערן וואו מען קען איבערגעבן דאס געלט פאר די משמשים בקודש.
היינט דינסטאג איז דער רבי ערווארטעט אנצוקומען קיין ירושלים צו אפנעמען די תרומות הקודש פון די ארטיגע חסידים.
