שמחת בית לעלוב: היינט קומט פאר די שמחת התנאים פון א אייניקל ביי כ"ק אדמו"ר מלעלוב שליט"א, די כלה א טאכטער פון זיין איידעם הרב פנחס נפתלי ענגלענדער שליט"א, זון פון הגה"צ ר' שלום צבי ענגלענדער שליט"א ראה"כ להוראה דחסידי מאחנובקא בעלזא לאנדאן, זון פון הנגיד החסיד ר' אלי'ש ענגלענדער שליט"א, און איידעם ביי הגה"צ גאב"ד זכרון מאיר זצ"ל, מיט די חתן א זון פון הרב יעקב יצחק בידערמאן שליט"א, זון פון כ"ק אדמו"ר מלעלוב ירושלים שליט"א, און איידעם ביי הגה"צ ר' אהרן לייב מאלבוצקי שליט"א מלעכאוויטש. – די שמחה קומט פאר אין ביהמ"ד הגדול לעלוב אין בית שמש.
שמחת בית קאלוב: היינט קומט פאר די שמחת השבע ברכות פון א אייניקל ביי כ"ק אדמו"ר מקאלוב שליט"א, די חתן א זון פון זיין זון הגה"צ ר' אליעזר צבי טויב שליט"א אב"ד קאלוב ביתר, איידעם ביי כ"ק אדמו"ר מתולדות אברהם יצחק שליט"א, מיט די כלה א טאכטער פון הרה"ג ר' משה מנחם טויבענפעלד שליט"א, זון פון הגה"צ ר' שמעלקא טויבענפעלד זצ"ל רב דקהל חרדים אין מאנסי. – די שמחת השבע ברכות קומט פאר אין ביהמ"ד קאלוב אין וויליאמסבורג, אינאיינעם מיט די יארצייט טיש דורכ'ן רבי'ן שליט"א, לרגל די יומא דהילולא קדישא פון זיין פאטער כ"ק אדמו"ר מקאלוב זצ"ל בעל חקל תפוחין.
שמחת בית פשעווארסק: היינט קומט פאר די שמחת הפארשפיל פון א אייניקל ביי כ"ק אדמו"ר מפשעווארסק שליט"א, די חתן א זון פון בנו הגדול הגה"צ ר' נפתלי אלימלך לייזער שליט"א אבד"ק פשעווארסק לאנדאן, איידעם ביי הגה"צ ר' שרגא פייוויש שנעעבאלג זצ"ל בעל שרגא המאיר, מיט די כלה א טאכטער פון הגה"צ ר' שלמה זלמן וואזנער שליט"א, זון פון כ"ק אדמו"ר משבט הלוי וגאב"ד זכרון מאיר שליט"א, און איידעם ביי כ"ק אדמו"ר מבוהוש שליט"א. – די שמחת הפארשפיל ויפרוף קומט פאר אין פשעווארסקער בית המדרש אין לאנדאן.
היינט קומט פאר די יערליכע מלוה מלכה לטובת מוסדות ראחמיסטריווקא אין מאנסי, עס קומט פאר אין ווילחאוויץ זאל אין שפיץ פון הגה"צ אבד"ק ראחמיסטריווקא מאנסי שליט"א, וחתנו כ"ק אדמו"ר מראחמיסטריווקא שליט"א פון ספרינג וואלי.
היינט קומט פאר די יערליכע דינער לטובת מוסדות פאפא אין וויליאמסבורג, אין קאנטינענטאל זאל, אין שפיץ פון כ"ק אדמו"ר מפאפא שליט"א.
היינט קומט פאר די יערליכע דינער "אגודה אחת" לטובת מוסדות וויזניץ אין בארא פארק, עס קומט פאר אין די פראכטפולע הייטנער זאל, אין שפיץ פון כ"ק אדמו"ר מוויזניץ שליט"א פון בארא פארק.
היינט קומט פאר אין מאנסי די יערליכע דינער לטובת צדקת רבי מאיר בעל הנס כולל חבת ירושלים, אין תפארת עלקא זאל, אין שפיץ פון אדמור"י ורבני העיר.
היינט קומט פאר אין וויליאמסבורג די מעמד כבוד התורה במסגרת הלימוד יסודי התורה דחסידי סאטמאר, סיום מסכת גיטין והתחלת מסכת קידושין, עס קומט פאר אין אימפעריאל זאל, אין שפיץ פון הגה"צ אבד"ק סאטמאר וומס"ב שליט"א.
היינט קומט פאר אין קרית וויזניץ בני ברק א גרויסע כינוס התעוררות פאר כלל חסידי וויזניץ בארץ הקודש, זיך צו מחזק זיין קעגן די טעכנעלאגישע נסיונות.
היינט קומט פאר די יערליכע מלוה מלכה לטובת כולל עצי חיים סיגעט אין בארא פארק, אינאיינעם מיט די סעודת הילולא לקראת די יומא דהילולא קדישא פון הרה"ק בעל עצי חיים מסיגעט זי"ע, עס קומט פאר אין די לומיער זאל בבנין ת"ת וויען אין בארא פארק, אין שפיץ פון כ"ק אדמו"ר מסאטמאר שליט"א.
היינט קומט פאר אין מאנסי די ערשטע מלוה מלכה לטובת די נייע ביהמ"ד אור מרדכי דחסידי וויזניץ אין ספרינג וואלי, עס קומט פאר אין זאל פון ביהמ"ד זוועהיל אויף יוניאן, אין שפיץ פון כ"ק אדמו"ר מוויזניץ שליט"א פון מאנסי.
אריינצושיקן מודעות און נייעס, שיקט אן אימעיל צו NEWS@JDNMAIL.COM
