מיט טיפע התרגשות און שמחה דקדושה גרייטן זיך חסידי טשערנאביל זיך מיטצופרייען היינט אויפדערנאכט ביי די גרויסע היסטארישע שמחה בחצר הקודש, ווען כ"ק אדמו"ר מטשערנאביל שליט"א וועט באשיינען בראש שמחתו הגדולה, ביי די חתונה פון די ערשטע אור אייניקל בשעה טובה ומוצלחת.
עס וועט גיין אונטער די חופה די כלה עלטסטע אור אייניקל ביים רבי'ן, עלטסטע אייניקל ביי בנו הגדול הגה"צ ר' מרדכי טווערסקי שליט"א, איידעם ביי אחיו הגדול פון רבי'ן כ"ק אדמו"ר מטשערנאביל שליט"א פון ארה"ק, א טאכטער פון זיין איידעם הרב שלום פסח שנעעבאלג שליט"א, זון פון הגה"צ אבד"ק שרגא המאיר שליט"א, מיט די חתן א זון פון הרה"ג ר' יואל קליין שליט"א ר"ם בישיבת באר התורה ד'סאטמאר וויליאמסבורג. די חתונה קומט פאר אין ווילחאוויץ זאל אין מאנסי.
דער עלטער זיידע כ"ק אדמו"ר מטשערנאביל שליט"א פון ארץ הקודש, וועלכער האט שוין זוכה געווען צו באשיינען די חתונות פון צוויי אור אייניקלעך, איז נישט געקומען צופארן קיין אמעריקע באשיינען די שמחה מפאת חולשת גופו הטהור, דער רבי האט אפגעראכטן א לחיים טיש בביתו נאוה קודש אין בני ברק, מיט די באטייליגונג פון די מקורבים און בני המשפחה.
דעם קומענדיגן שב"ק וועט כ"ק אדמו"ר מטשערנאביל שליט"א פון בארא פארק זיין צוגאסט אין מאנסי לרגל די שבת של שמחה, שבת שבע ברכות פונעם אור אייניקל, דער רבי וועט דאווענען די תפילות און אפרעכטן די טישן און מצוה טאנץ כנהוג, אין ביהמ"ד דחסידי טשערנאביל אין מאנסי, בבנין ת"ת וויזניץ בנין ווילחאוויץ.
