מארגן זונטאג פרשת חיי שרה וועט פארקומען א גרויסע מעמד אין שטאט אלעד, ווען עס וועט געפראוועט ווערן די שמחת חנוכת הבית פאר די נייע גרויסע בית המדרש ישועות משה דחסידי וויזניץ, וואס איז געבויעט געווארן בדמים תרתי משמע דורך חסידי וויזניץ אין די לעצטע פאר יאר.
לכבוד די גרויסע חנוכת הבית האט כ"ק אדמו"ר מוויזניץ שליט"א געפראוועט דעם פארלאפענעם שבת וירא בקרב חסידיו אין שטאט אלעד, און מארגן זונטאג אין די גרויסע יום החגיגה וועט פארקומען א רייע מעמדים מיט די באטייליגונג פון הונדערטער חסידים פון נאנט און ווייט. די צענטראלע מעמד חנוכת הבית וועט פארקומען היינט נאכט אינעם גרויסן אודיטוריום אויף רחוב רבי חייא אין אלעד, אינאיינעם מיט די יארצייט טיש לרגל די יומא דהילולא קדישא פונעם ראש השלשלת הרה"ק בעל אהבת שלום מקאסוב זי"ע.
די מעמד קביעת מזוזה איז פארגעקומען דעם פרייטאג נאכמיטאג, און היינט מוצאי שבת איז פארגעקומען א רייכע מלוה מלכה פאר די חברי הקהילה וואס האבן זיך אנגעשלאסן מיט גרויסע סכומים לטובת די קרן הבנין.
