א באשיידענע מסיבת לחיים איז פארגעקומען די וואך בביתו נאוה קודש פון הגה"צ ר' יעקב מאיר שעכטער שליט"א, לרגל די הוצאה לאור פונעם נייעם ספר "דורשי יחודך" אויף ל"ג בעומר, נאך לענגערע און האקאלע ארבעט פון "מכון דורשי יחודך" בהנהלת הרה"ג ר' אליעזר וואלדמאן שליט"א, וואס זענען עוסק רונדע דעם יאר ארויסצוגעבן די שיעורים און מאמרים פונעם רב שליט"א דורכאויס די יארן, לחזות בנועם ה' ולבקר בהיכלו.
דער רב שליט"א האט מעיין געווען אינעם ספר און אויסגעדרוקט גרויס הנאה, צו פארשפרייטן ווייטער דעם תורת החסידות פאר נאך אידישע קינדער ברחבי תבל, מען האט געטרינקען לחיים און דער רב האט אנגעוואונטשן פאר די עורכים מען זאל ווייטער קענען אנגיין מיט די עבודת הקודש, צו משפיע זיין פאר אידישע קינדער תורה ויראה.
אין די זעלבע צייט האבן די נדיבים ותומכים פונעם מפעל "דורשי יחודך" וואס וואוינען אין אמעריקע, זיך צוזאמגענומען אויף א מסיבת לחיים אין שטוב פון הנגיד החסיד ר' יואל בראווער הי"ו, מען האט מיטגעהאלטן א לייוו הוקאפ פון ירושלים עיר הקודש, און געהערט די ווארעמע ברכות פונעם רב שליט"א פאר די עורכים און תומכים.
