גרויס זארג הערשט אינעם עיר התורה והחסידות בני ברק, נאך וואס א פינף און צוואנציג יעריגער בחור איז ליידער פארלוירן געווארן זינט נעכטן אינדערפרי, און שוין איבער פיר און צוואנציג שעה גייט אן א העפטיגע זוכעריי, דערווייל ליידער אן קיין סוקסעס.
הב' ישראל מרדכי שטערן נ"י איז ארויס פון זיין שטוב נעכטן דאנערשטאג אינדערפרי, און זינט דאן האט מען נישט געהערט פון אים, די ארטיגע פאליציי האט שוין אריינגעשטעלט אין קראפט א מאסיווע זוך אקציע, און בעט פון לאקאלע איינוואוינער הילף ווער עס קען העלפן אים צו טרעפן.
שטייענדיג יעצט קארגע צוויי שעה בעפאר כניסת השבת אין ארץ ישראל, איז די זוכעריי פארשטערקערט געווארן מיט פילע וואלאונטירן אויפן געבעט פון די משפחה, מיטן האפענונג אים צו טרעפן וואס שנעלער געזונט און שטארק.
