קומענדיגע וואך פרשת בשלח, וועט כ"ק אדמו"ר ממאחנובקא בעלזא שליט"א אנקומען אויף א געהויבענע באזוך בקרב חסידיו אין ניו יארק, און פראווענען א גרויסע שבת פרשת בשלח שבת שירה, בקרב קהילתו הק' אינעם עיר ואם בישראל וויליאמסבורג, לרגל די מעמד חנוכת הבית פארן הערליך איבערגעבויעטע בית המדרש דחסידי מאחנובקא בעלזא אין וויליאמסבורג.
דער רבי שליט"א קומט צו פארן באשיינען די שמחה בבית מקורבו הנגיד החסיד ר' משולם יאקאבאוויטש הי"ו, דעם רבינ'ס בעל אכסניא אין וויליאמסבורג, און דער בריח התיכון פון די קהילה אין וויליאמסבורג. דער רבי וועט אנקומען קיין ניו יארק קומענדיגן מיטוואך פרשת בשלח, און מיטהאלטן די לעצטע שבע ברכות וואס דער בעל אכסניא רעכט אפ לכבודו פונעם רבי'ן.
דער רבי וועט שוין ארויספארן פון ארץ ישראל קומענדיגן מאנטאג פרשת בשלח, און זיך אפשטעלן פאר א קורצע באזוך פון איין טאג אין שטאט לאנדאן, צו באשיינען די חתונה פון א יתום אין די קהילה. אין וויליאמסבורג וועט דער רבי וויילן פון מיטוואך בשלח ביז זונטאג יתרו, און דערנאך זיך אומקערן אהיים למעון קדשו אין בני ברק.
