היינט קומט פאר די סעודת עניים בחצר הקודש סקווירא, לקראת די שמחת החתונה פון א אור אייניקל ביי כ"ק אדמו"ר מסקווירא שליט"א, אייניקל פון זיין זון הגה"צ ר' יצחק טווערסקי שליט"א. די שמחה קומט פאר אין די גרויסע שאטער אין סקווירא שטעטל, געאייגענט פאר די הונדערטער געסט פון אויסלאנד וואס זענען געקומען צו פארן מיטהאלטן די מעמד הכנסת ספר תורה.
היינט קומט פאר די שמחת הבר מצוה פון א אייניקל ביי כ"ק אדמו"ר מטאהש שליט"א, א זון פון זיין איידעם הגה"צ ר' יחיאל מיכל ישעי' מאסקאוויטש שליט"א, זון פון כ"ק אדמו"ר מזלאטשוב שליט"א פון וויליאמסבורג. – די שמחה קומט פאר אין ביהמ"ד הגדול אין קרית טאהש, אינאיינעם מיט די עריכת שולה"ט לכבוד ראש חודש.
היינט קומט פאר א מסיבה של מצוה לטובת ישיבת עול התורה ראחמיסטריווקא אין לעיקוואד, אין שטוב פון הרב החסיד ר' הערשל ראוויצקי הי"ו, אין שפיץ פון כ"ק אדמו"ר מראחמיסטריווקא שליט"א פון לעיקוואד.
כ"ק אדמו"ר מאלכסנדר שליט"א וועט היינט אויפדערנאכט אפרעכטן שולחנו הטהור לכבוד ראש חודש, געאייגנט פאר די חסידים וואס זענען קובע עתים לתורה אין ראם פון מבצע "קדשינו", אין ביהמ"ד הגדול אלכסנדר אין בני ברק.
כ"ק אדמו"ר מוויזניץ שליט"א פון בית שמש וועלכער האט געוויילט די לעצטע וואך צייט אין ניו יארק, און די לעצטע צוויי טעג אין לאס אנדזשעלעס בצל חותנו כ"ק אדמו"ר מוויזניץ שליט"א לרפואה שלימה, קערט זיך היינט צוריק למעון קדשו אין בית שמש.
הגה"צ ר' חיים צבי טייטלבוים שליט"א אב"ד סיגוט בן כ"ק אדמו"ר מסאטמאר שליט"א, קומט היינט אן צוגאסט קיין ארץ ישראל אויף א ביקור חיזוק בקרב חסידי סאטמאר בארץ הקודש, און וועט היינט אויפדערנאכט אויפטרעטן אלס נואם הכבוד ביים דינער לטובת מוסדות סאטמאר בני ברק.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד תפארת מרדכי שלמה היכל משה דחסידי באיאן אין שטאט ביתר, נדבת משפחת קריגער שיחי'.
אריינצושיקן מודעות און נייעס, שיקט אן אימעיל צו NEWS@JDNMAIL.COM
