א שיינע שמחה איז פארגעקומען די וואך אין שטאט פשיסחא אין פוילין, ווען עס איז אריינגעברענגט געווארן בבריתו של אברהם אבינו א ניי געבוירן קינד, נין ונכד לצדיקי בית פשיסחא און ביאלא, בן הנולד ביי הרב חיים אליעזר ראזענבוים שליט"א, זון פון כ"ק אדמו"ר מפרימישלאן שליט"א, און איידעם ביי כ"ק אדמו"ר מביאלא ב"ב שליט"א.
דאס קינד איז געבוירן געווארן שוין עטליכע וואכן צוריק, און מען האט נישט געקענט אפרעכטן די ברית בזמנו, אצינד ווען מ'האט שוין געקענט מאכן דעם ברית, איז אפירגעקומען די פלאן צו מאכן דעם ברית אין שטאט פשיסחא, נאך וואס דער זיידע כ"ק אדמו"ר מפרימישלאן שליט"א האלט זיך אויף אין פוילין אויף אפרוה, און דער זיידע כ"ק אדמו"ר מביאלא ב"ב שליט"א האט אויפגעשטעלט א פראכטפולע בנין הכנסת אורחים אין שטאט פשיסחא, סמוך ונראה צום ציון הק' פון זיינע הייליגע זיידעס די פריערדיגע צדיקים.
