היינט נאכט כ"א כסלו ווערט אפגעצייכנט די יום ההצלה והשחרור פון הרה"ק מסאטמאר זי"ע ביים צווייטן וועלט קריג, אין אלע סאטמארע צענטערן איבער די גאנצע וועלט וועלן געפראוועט ווערן סעודות און מסיבות צו דאנקען און לויבן דעם אויבערשטן פאר די גרויסע נסים, ווי איינגעפירט דורכ'ן בעל הנס פערזענליך כ"ק אדמו"ר הרה"ק מסאטמאר זי"ע בחיים חיותו.
כ"ק אדמו"ר מסאטמאר שליט"א וועט פראווענען די סעודת הודאה במקהלות אלפי חסידים ואנשי מעשה, אינאיינעם מיט די יערליכע דינער "גדלו וטובו" לטובת די מוסדות הקדושים אין וויליאמסבורג, די מעמד קומט פאר אינעם ריזן שאטער וואס איז אויפגעשטעלט געווארן ביים וואטערפראנט סקווער אויף קענט עוועניו אין וויליאמסבורג לרגל די מעמד.
כ"ק אדמו"ר מסאטמאר שליט"א וועט פראווענען די סעודת הודאה במקהלות אלפי חסידים ואנשי מעשה, אינאיינעם מיט די יערליכע דינער "מגדלים" לטובת די מוסדות הקדושים אין וויליאמסבורג, די מעמד קומט פאר אינעם ריזן ארמארי געביידע אין קראון הייטס, וואס איז ספעציעל אהערגעשטעלט געווארן לרגל די מעמד.
אזוי אויך וועלן פארקומען גרויסע מעמדי הודאה און מסיבות לטובת די מוסדות הקדושים מיסודו פונעם בעל הנס הרה"ק מסאטמאר זי"ע, אין אלע גרויסע שטעט לענגאויס ארץ ישראל און אייראפע.
היינט נאכט כ"א כסלו געפאלט די יומא דהילולא קדישא פון הרה"ק רבי יוחנן מקארלין סטאלין זצ"ל, פילע אידן וועלן פוקד זיין דעם ציון הק' אין טבריה להיפקד בדבר ישועה ורחמים. די אייניקלעך כ"ק האדמורי"ם מקארלין סטאלין און לוצק שליט"א וועלן אפרעכטן די יארצייט טישן ברוב עם.
כ"ק אדמו"ר מפינסק קארלין שליט"א וועט אפרעכטן דעם יארצייט טיש היינט אויפדערנאכט.
כ"ק אדמו"ר מקהל חסידי ירושלים שליט"א וועט היינט נאכט אפרעכטן דעם יארצייט טיש אין ביהמ"ד תולדות אהרן אין טבריה, און דערנאך פוקד זיין דעם ציון הק' בראש קהל חסידיו.
היינט נאכט כ"א כסלו געפאלט די ניינטע הילולא קדישא פון כ"ק אדמו"ר מצאנז זימיגראד זצ"ל בעל ביכורי חיים, בנו ממלא מקומו כ"ק אדמו"ר מצאנז זימיגראד שליט"א וועט אפרעכטן די יארצייט טיש אין ביהמ"ד צאנז זימיגראד אויף רחוב מינץ אין בני ברק, און מארגן נאכמיטאג ארויפגיין צום ציון הק' אויפן הר הזיתים.
היינט נאכט כ"א כסלו געפאלט די יארצייט פון הגה"צ רבי ישראל חיים מנשה פריעדמאן זצ"ל ראב"ד סאטמאר, די יארצייט סעודה אין שפיץ פון די קינדער הרבנים הגאונים שליט"א קומט פאר אין זאל פרדס משה אין וויליאמסבורג.
כ"ק אדמו"ר מוויזניץ שליט"א פון לאנדאן וועלכער האט געוויילט די לעצטע וואך צייט אין ניו יארק לרגל די שמחת החתונה פון א אייניקל, וועט היינט ארויספארן פון ניו יארק קיין אנטווערפן, וואו דער רבי וועט פראווענען דעם קומענדיגן שבת קודש פרשת וישב און די ערשטע חנוכה ליכטל בקרב חסידיו.
כ"ק אדמו"ר מדעעש שליט"א לאזט זיך היינט ארויס אויף א מסע הקודש צו די מקומות הקדושים אין אייראפע, צו פראווענען א געהויבענע שבת אין שטאט דעעש אין ראמעניע, אין די טעג פון די יארצייט פון צדיקי בית דעעש זי"ע.
כ"ק אדמו"ר משומרי אמונים שליט"א וועלכער האט געוויילט די לעצטע צוויי וואכן אין שיקאגא און קליוולאנד לטובת מוסדותיו הקדושים, קערט זיך היינט צוריק למעון קדשו אין בני ברק.
היינט קומט פאר די שמחת החתונה פון די כלה א טאכטער פון כ"ק אדמו"ר מזוטשקא מאנסי שליט"א, איידעם ביי הגה"צ ר' יהושע לייפער שליט"א אבד"ק באר משה פרעמישלאן, מיט די חתן א זון פון הרב מאיר הערש בערגער שליט"א, זון פון הגה"צ ר' ליפא בערגער שליט"א אבד"ק מישקאלץ, און איידעם ביי הגה"צ רבי נפתלי צבי האגער זצ"ל מווישיווא. – די שמחת החתונה קומט פאר אין זאל עטרת גינענדל אין מאנסי.
היינט קומט פאר די שמחת החתונה פונעם חתן א זון פון הגה"צ ר' ישראל דוב בעריש ביק שליט"א, זון פון הגה"צ גאב"ד מעזיבוזש שליט"א, און איידעם ביי הגה"צ ר' סיני האלבערשטאם שליט"א אדמו"ר מצאנז וומס"ב, מיט די כלה א טאכטער פון הרב שלמה טווערסקי שליט"א, זון פון כ"ק אדמו"ר מטריסק לאנדאן זצ"ל, און איידעם ביי הרב שמואל גרינבערגער שליט"א. – די שמחת החתונה קומט פאר אין זאל תפארת עלקא אין מאנסי.
היינט קומט פאר די שמחת הבר מצוה פון א אייניקל ביי כ"ק אדמו"ר מנחלת אהרן שליט"א, א זון פון זיין איידעם הגה"צ ר' שמעון אהרן לעמבערגער שליט"א, זון פון הגה"צ אבד"ק מאקאווא אלעד זצ"ל. – די שמחה קומט פאר אין פארהאנד זאל אין בית שמש.
אריינצושיקן מודעות און נייעס, שיקט אן אימעיל צו NEWS@JDNMAIL.COM
