היינט נאכט כ"ד חשון געפאלט די יומא דהילולא קדישא פון הרה"ק רבי גדלי' משה מזוועהיל זצ"ל, נכדו כ"ק אדמו"ר מזוועהיל שליט"א וועט אפרעכטן די יארצייט טיש היינט נאכט אין ביהמ"ד הגדול זוועהיל אין ירושלים, און דערנאך פוקד זיין דעם ציון הק' בראש קהל חסידיו אויפן בית עלמין שייח באדר אין ירושלים.
היינט קומט פאר די שמחת הבר מצוה פון א אייניקל ביי כ"ק אדמו"ר מתולדות צבי ספינקא שליט"א, א זון פון זיין איידעם הגה"צ ר' דוד משה טווערסקי שליט"א, זון פון כ"ק אדמו"ר מפאלטישאן שליט"א. – די שמחה קומט פאר אין זאל המספיק טערעס אין מאנסי.
היינט קומט פאר די שמחת הבר מצוה פון א אור אייניקל ביי כ"ק גאב"ד טענקא שליט"א, אייניקל פון זיין זון הגה"צ ר' יצחק יעקב פריעדמאן שליט"א ראש ישיבת שיח התורה, איידעם ביי הגה"צ ר' משה מאנדל שליט"א אבד"ק בית מרדכי פלעטבוש, א זון פון זיין זון הרה"ג ר' צבי ארי' פריעדמאן שליט"א דומ"ץ זוועהיל מאנסי, איידעם ביי כ"ק אדמו"ר מזוועהיל מאנסי שליט"א. – די שמחה קומט פאר אין זאל פון ביהמ"ד באראוו אין מאנסי.
מרנן ורבנן גדולי הדור בארה"ק וועלכע זענען אנגעקומען דעם זונטאג קיין לאנדאן, אויף א געהויבענע נסיעה קיין אייראפע לטובת קרן עולם התורה בארה"ק, וועלן היינט פארזעצן דעם וועג קיין פאריז פראנקרייך און דערנאך קיין שווייץ, וואו עס וועט פארקומען גרויסע מעמדי קבלת פנים לכבודם הרמה.
כ"ק אדמו"ר משומרי אמונים שליט"א קומט היינט אן קיין שיקאגא, וואו דער רבי וועט זיך אויפהאלטן די קומענדיגע וואך לטובת מוסדותיו הקדושים.
כ"ק אדמו"ר משומרי אמונים שליט"א פון קרית גת קומט היינט אן קיין אנטווערפן לטובת מוסדותיו הקדושים, די אכסניא איז אין שטוב פון הרה"ג ר' ישעי' שלאמאוויטש שליט"א מח"ס אבני שוהם.
הגה"צ ר' חיים צבי טייטלבוים שליט"א רב ביהמ"ד ישראל שלום אין קרית יואל בן כ"ק אדמו"ר מסאטמאר שליט"א, פארט היינט ארויס אויף א נסיעה אינאיינעם מיט די מתפללי בית המדרש, צו פוקד זיין די קברי צדיקים אין אייראפע לקראת די שמחת החתונה פון בנו החתן.
היינט קומט פאר די מעמד בוני העתיד לטובת די קרן הבנין פון תלמוד תורה דושינסקיא אין לאנדאן, אין די דיימאנד זאל אין גאלדערסגרין לאנדאן, אין שפיץ פון כ"ק אדמו"ר מדושינסקיא שליט"א וועלכער איז צוגאסט די טעג אין שטאט לטובת די קרן הבנין. אלס נואם הכבוד וועט אויפטרעטן דעם רבינ'ס שוואגער הגה"צ אבד"ק לימינוב שליט"א.
היינט קומט פאר די מעמד קביעת מזוזה און חנוכת הבית פאר די נייע בנין היכל השולחנות אין ישיבה גדולה תורת צבי ספינקא אין טשעסטער, אין שפיץ פון כ"ק אדמו"ר מתולדות צבי ספינקא שליט"א וועלכער וועט אויפטרעטן מיטן דרשת פתיחת הזמן פאר די תלמידי הישיבה.
ניחום אבלים:
הגה"צ ר' שלמה צבי טאוב שליט"א זון פון כ"ק אדמו"ר ממודזיץ שליט"א, און איידעם ביי כ"ק אדמו"ר מלעלוב ירושלים שליט"א, זיצט שבעה די טעג נאך די פטירה פון זיין זון הילד ישראל דן טאוב ע"ה, אין זיין שטוב אויף רחוב עלי הכהן אין ירושלים.
אריינצושיקן מודעות און נייעס, שיקט אן אימעיל צו NEWS@JDNMAIL.COM
