ביים טעגליכן שיעור אין דף היומי דורך דער באקאנטער און וועלט בארימטער מגיד שיעור הרב אלי' סטעפאנסקי שליט"א האט דער מגיד שיעור ארומגערעדט איבער די וואונדערליכע ידיעות התורה און אהבת התורה, וואס מען זעהט ביי די חשובע אינגעלייט לומדים אין די וועלט בארימטע "כולל ש"ס אידן".
פארלערנענדיג די היינטיגע דף אין מסכת מנחות דף ע"א, האט הרב סטעפאנסקי דערציילט א מערקווירדיגע געשיכטע וואס ער האט בייגעוואוינט איבער דעם דף, געווען איז עס א שטיק צייט צוריק ווען ער איז געווארן איינגעלאדנט צו פארהערן די חשובע אינגעלייט מתמידים מופלגים וואס זענען אנגעשלאסן אין די וועלט בארימטע תורה אימפעריע "כולל ש"ס אידן", וואו אינגעלייט זענען זיך ממית באהלה של תורה און קענען גאנץ ש"ס ישר והפוך מיט א זעלטענע בקיאות.
הרב סטעפאנסקי דערציילט: איך האב געפרעגט פון די לומדים, וועלכע סארט פרי איז נאר דא א זכר וואס גיבט ארויס די פירות, און זייער ענטפער איז געקומען צו פליען פון אלע זייטן אז ביי טייטלביימער טוען נאר די פירות זכרים ארויסגעבן די פירות. הרב סטעפאנסקי זאגט ווייטער: איך האב געפרעגט וואו עס שטייט די גענויע לשון? און א חשובער אינגערמאן א תלמיד חכם האט נאכגעזאגט א שטיקל תוספות אין מסכת מנחות דף ע"א, וואו עס שטייט אז גענוי ווי א טייטל גלוסט צו איר בוים, דאס זעלבע טוט כלל ישראל גלוסטן צו טון די רצון פונעם אויבערשטן.
דערציילט הרב סטעפאנסקי, אז ער איז געווארן גאר איבערראשט צו הערן א מערקווירדיגע שורה'לע פון דעם אינגערמאן, וואס האט צוגעלייגט מיט געמאסטענע ווערטער: אזוי אויך טוען ש"ס אידן לעכצן און גלוסטן צו קענען נאך און נאך אין ש"ס! לעכטיגע ווערטער וואס האט ארויפגעברענגט א שמייכל אויף אלע אנוועזנדע, און גאר שטארק אונטערגעשטראכן די געוואלדיגע אהבת התורה וואס מ'זעהט ביי די חשובע לומדים אין כולל ש"ס אידן.
זעענדיג אזעלכע סצענעס קומט ארויף ביי יעדן איינעם א געוואלדיגע תשוקה צו זיין א טייל פון דעם בארימטן תורה אימפעריע, שטיצן דעם תורה פעסטונג צו פארמערן תורה בהתמדה, באזוכט די וועבזייטל פון כולל ש"ס אידן צו זעהן צענדליגע מעמדים אינערהאלב כולל ש"ס אידן, בחינות און סיומים, און נעמט א טייל אין די געוואלדיגע פעולות דערפון מיט א שיינע נדבה.
