א שאקירנדע אינצידענט האט זיך אפגעשפילט דעם דאנערשטאג נאכט אין די אידישע געגנט אין טאראנטא, ווען א ווילדע פארשוין אין א קאר האט געשאסן אויף דריי אידן פארנט פון בית המדרש דחסידי באבוב, ביים ווינקל פון בעטהארסט עוועניו און ווילסאן עוועניו.
די אינצידענט האט פאסירט דאנערשטאג נאכט בערך עלף אזייגער, ווען די דריי אידן זענען געשטאנען אינדרויסן פון ביהמ"ד, און זענען מיטאמאל געצילט געווארן מיט גאן שיסערייען דורך א ווילדע פארבייפארער וועלכער איז באלד געפארן ווייטער. פאליציי איז אלארמירט געווארן און פארשט אויס די אינצידענט, אין די צייט וואס פאליציי לייט זענען פארבליבן אויפן סצענע צו באוואכן די אידישע געמיינדע.
לויט די באריכטן איז עס געווען א לייכטע פעלעט גאן, איין איד איז לייכט געשעדיגט געווארן און האט געדארפט צוקומען צו מילדע באהאנדלונגען אויפן פלאץ. די דאזיגע פאסירונג קומט אין א צייט וואס מען הערט גאר אסאך איבער אנטיסעמיטישע אטאקעס אין טאראנטא, איבערהויפט אין די לעצטע פאר וואכן ווען די אידישע געמיינדע אין טאראנטא איז מערערע מאל אטאקירט געווארן אין פארשידענע פעלער.
