כ"ק אדמו"ר מסאטמאר שליט"א איז צוגאסט אויף דעם שבת אין וויליאמסבורג בקרב חסידיו, די תפילות און טישן וועלן געפראוועט ווערן בהיכל ביהמ"ד הגדול דקהל יטב לב ד'סאטמאר אויף הופפער סטריט, שבת נאכמיטאג וועט דער רבי אויפטרעטן מיט די שבת הגדול דרשה אין היכל ביהמ"ד הגדול.
כ"ק אדמו"ר מוויזניץ שליט"א פון ירושלים וועלכער איז צוגאסט די טעג אין ארץ ישראל בקרב חסידיו, וועט פראווענען דעם שבת אויף א פארמאכטע פארנעם אינאיינעם מיט די וויזניצע בחורים אין ארץ ישראל, אין מושב בית חלקיה.
כ"ק אדמו"ר מסלאנים שליט"א איז צוגאסט אויף דעם שבת אין ירושלים עיה"ק בקרב חסידיו, די תפילות און טישן קומען פאר אין ביהמ"ד הגדול סלאנים אויף רחוב דורש טוב.
כ"ק אדמו"ר מספינקא שליט"א פון בני ברק וויילט דעם שבת אין אתרא קדישא מירון.
הגה"צ המשפיע ר' אלימלך בידערמאן שליט"א מלעלוב איז צוגאסט אויף דעם שבת אין אתרא קדישא מירון, אינאיינעם מיט די בני החבורות פון שטאט אלעד.
דעם שבת געפאלט די פיפטע יארצייט פון הגה"צ גאב"ד יאקע זצ"ל, די יארצייט סעודה קומט פאר ביי שלש סעודות אין ביהמ"ד יאקע אין בארא פארק.
הגה"צ רבי משה יצחק טעמפלער שליט"א רב דקהל חסידים בירושלים ור"י עמק התורה איז אנגעקומען קיין אמעריקע, לרגל די געבורט פון זיין ערשטן אייניקל למז"ט ביי בנו הרב שמעון טעמפלער שליט"א, די שמחת הקידושא רבא וועט פארקומען דעם שב"ק פ' ויקרא אין ביהמ"ד הגדול ד'באבוב - 45 אין בארא פארק.
דעם שבת קומט פאר די שמחת השלום זכר פון א אייניקל ביי כ"ק אדמו"ר מבאבוב שליט"א, בן הנולד ביי זיין איידעם הגה"צ ר' חיים דוד וואקסמאן שליט"א דומ"ץ באבוב מאנסי. – די שמחה קומט פאר אין ביהמ"ד הגדול באבוב אין בארא פארק.
דעם שבת קומט פאר די שמחת הקידושא רבא פון א אור אייניקל ביי כ"ק אדמו"ר מסאטמאר שליט"א, אייניקל פון זיין איידעם הגה"צ ר' אלעזר טייטלבוים שליט"א ראה"כ סאטמאר קליימער, זון פון הגה"צ אבד"ק בית אהרן שליט"א, א טאכטער פון זיין איידעם הרב אברהם יצחק קאהן שליט"א, אייניקל פון כ"ק אדמו"ר ממשכנות הרועים שליט"א, און פון הגה"צ ר' משה קאהן שליט"א ראש ישיבת תולדות אהרן. - די שמחה קומט פאר אין ביהמ"ד הגדול סאטמאר אין וויליאמסבורג.
עס איז געשלאסן געווארן די שידוך פון א אייניקל ביי כ"ק אדמו"ר מקוסוב וויזניץ שליט"א, די חתן א זון פון זיין איידעם הגה"צ ר' מאיר בער קרויז שליט"א, זון פון הגה"צ אבד"ק אודווארי שליט"א, מיט די כלה א טאכטער פון הגה"צ ר' הערשל ווייס שליט"א, זון פון הגה"צ גאב"ד קרית צאנז ירושלים שליט"א, און איידעם ביי כ"ק אדמו"ר מקרעטשניף קרית גת זצ"ל.
אריינצושיקן מודעות און נייעס, שיקט אן אימעיל צו NEWS@JDNMAIL.COM
