די קומענדיגע וואך פרשת ויצא וועט כ"ק אדמו"ר מסקאליע שליט"א אונטערנעמען א געהויבענע נסיעה קיין לאנדאן ענגלאנד, לרגל די שמחת החתונה בחצר הקודש סקאליע, די חתן א זון פונעם רבינ'ס ברודער הגה"צ ר' דוב בעריש ראבינאוויטץ שליט"א, איידעם ביי הרב החסיד המפורסם ר' ישעי' וואלף לעוו ז"ל ראה"ק סאטמאר לאנדאן.
דער רבי שליט"א איז ערווארטעט זיך ארויסצולאזן אין וועג דעם קומענדיגן זונטאג ויצא הבעל"ט, דריי טעג וועט דער רבי שליט"א זיך אויפהאלטן בעיר הבירה לאנדאן, ביז דאנערשטאג פרשת ויצא ווען דער רבי וועט זיך אומקערן אהיים למעון קדשו אין בארא פארק.
די שמחת החתונה וועט געפראוועט ווערן קומענדיגן דינסטאג ויצא אין די פראכטפולע זאלן פון מערידיען גרענד, וואו עס איז ערווארטעט א גרויסע ציבור חסידי ומעריצי בית סקאליע פון אומעטום. די כלה איז א טאכטער פון הרב ישראל סאפרין שליט"א פון לאנדאן, א זון פון הגה"צ ר' אברהם מרדכי סאפרין שליט"א אדמו"ר מקאמארנא פון ב"פ, און איידעם ביי הגה"צ ר' יעקב מאיר ראזענבוים שליט"א ראש ישיבת גור אין לאנדאן.
