לקיים בנו חכמי ישרא"ל: אידישע קינדער בכל מקומות שהם זענען מעתיר בתפילה לרפואת כ"ק אדמו"ר מוויזניץ שליט"א, וועלכער גייט היינט אריבער מעדיצינישע באהאנדלונגען אין א שפיטאל אין מינכען דייטשלאנד, מיטן האפענונג עס זאל האבן די ריכטיגע ווירקונג פאר א גאנצע ערהוילונג בס"ד, אין אלע בתי מדרשים און מוסדות התורה דחסידי וויזניץ וועט מען זיך צוזאמקומען אויף אמירת תהלים היינט דורכ'ן טאג, לרפואת כ"ק מרן ישראל בן לאה אסתר בתוך שאר חולי ישראל.
היינט קומט פאר אין לאנדאן די יערליכע דינער לטובת כולל חבת ירושלים לצדקת רבי מאיר בעל הנס, אין זאל פון יסודי התורה, אלס אורח הכבוד וועט אויפטרעטן כ"ק אדמו"ר מספינקא אנטווערפן שליט"א, און אלס נואם הכבוד וועט אויפטרעטן כ"ק אדמו"ר מסטוטשין שליט"א.
היינט קומט פאר א עצרת הספד והתעוררות אין ביהמ"ד קרעטשניף סיגעט אין ירושלים, נאך די פטירה פון הגה"צ ר' יעקב מענדיל יאראוויטש זצ"ל חבר ביד"ץ העדה החרדית ומרבני הקהילה, אין שפיץ פון כ"ק אדמו"ר מקרעטשניף סיגעט שליט"א וועלכער וועט משמיע זיין דברי הספד.
שמחת בית טשארנאביל – קאסאן – אנטוניא: היינט קומט פאר די שמחת התנאים פון א אייניקל ביי כ"ק אדמו"ר מטשארנאביל שליט"א, די חתן א זון פון זיין זון הגה"צ ר' פנחס ישראל טווערסקי שליט"א, איידעם ביי כ"ק אדמו"ר מקאסאן הילקרעסט שליט"א, מיט די כלה א טאכטער פון הגה"צ ר' שלמה צבי גרינבערגער שליט"א רב דקהל אהבת שלום וויזניץ אלעד, זון פון הרב שאול גרינבערגער שליט"א משב"ק כ"ק אדמו"ר מוויזניץ שליט"א לרפו"ש, און איידעם ביי כ"ק אדמו"ר מאנטוניא שליט"א. – די שמחה קומט פאר אינעם אולם הכינוסים אויף רחוב יונתן בן עוזיאל אין אלעד.
היינט קומט פאר די שמחת הבר מצוה פון א אייניקל ביי הגה"צ ר' אפרים פישל מוטצען שליט"א גאב"ד קרית הבעש"ט פתח תקוה, חתנא דבי נשיאה פון כ"ק אדמו"ר הרה"ק מצאנז קלויזענבורג זצ"ל בעל שפע חיים, א זון פון זיין זון הרב אברהם חיים יצחק מוטצען שליט"א, איידעם ביי הגה"צ ר' מנחם מענדיל פאנעט שליט"א, זון פון כ"ק אדמו"ר מדעעש ירושלים זצ"ל, און איידעם ביי הגה"צ אבד"ק פאפא ירושלים שליט"א. – די שמחה קומט פאר אינעם גרויסן זאל היכל ראזענבערג אין קרית צאנז נתני'.
עס איז געשלאסן געווארן די שידוך פונעם חתן א זון פון הגה"צ ר' שמואל מנחם פריעדמאן שליט"א אבד"ק ראקאוויץ, זון פון הגה"צ גאב"ד טענקא שליט"א, און איידעם ביי הגה"צ ר' ישראל שנעעבאלג שליט"א אבד"ק באלחוב, מיט די כלה א טאכטער פון הגה"צ ר' יוסף ווייס שליט"א אבד"ק אהל משה ב"פ, זון פון הגה"צ ר' משה מנחם ווייס שליט"א אבד"ק סאטמאר לאנדאן, און איידעם ביי הגה"צ אבד"ק באבוב 45 שליט"א.
היינט נאכט כ"ט אדר געפאלט די אכטע הילולא קדישא פון כ"ק אדמו"ר בעל תורת מרדכי מוויזניץ זצ"ל, בנו כ"ק אדמו"ר מוויזניץ שליט"א פון לאנדאן קומט היינט אן צוגאסט קיין ניו יארק צו פוקד זיין דעם ציון הק' און באשיינען די צענטראלע יארצייט טיש אין ביהמ"ד הגדול וויזניץ אין מאנסי. בנו כ"ק אדמו"ר מוויזניץ שליט"א פון מאנטריאל וועט היינט אויפדערנאכט אפרעכטן א לחיים טיש אין וויזניצע בית המדרש אין מאנטריאל, און שפעטער ביינאכט ארויספארן אויפן וועג קיין מאנסי צו פוקד זיין דעם ציון הק' און באשיינען די צענטראלע יארצייט טיש אין ביהמ"ד הגדול וויזניץ אין מאנסי. בנו כ"ק אדמו"ר מוויזניץ שליט"א פון בית שמש וועט היינט אויפדערנאכט אנקומען קיין בני ברק, אויף תפילת מעריב און א מסיבת לחיים אין וויזניצע בית המדרש אויף רחוב מלצר.
היינט כ"ח אדר געפאלט די זעקסטע יארצייט פון הגה"צ רבי יוסף אשר אנשיל לעמבערגער זצ"ל אבד"ק מאקאווא אלעד, די קינדער הרבנים וועלן ארויפגיין צום ציון הק' היינט צוועלף אזייגער מיטאג, אויפן בית החיים אין קרית אתא.
כ"ק אדמו"ר מבוהוש שליט"א פארט היינט ארויס קיין עיר הקודש טבריה אויף א תפילת רבים ביים ציון הק' פון הרה"ק רבי מנחם מענדיל מוויטעבסק זי"ע, אינאיינעם מיט די נגידי ותומכי המוסדות.
אריינצושיקן מודעות און נייעס, שיקט אן אימעיל צו NEWS@JDNMAIL.COM
