שמחת בית וויזניץ: עס איז געשלאסן געווארן די שידוך פון א אייניקל ביי כ"ק אדמו"ר מוויזניץ שליט"א לרפו"ש, די חתן א זון פון זיין זון הגה"צ ר' יצחק ישעי' האגער שליט"א, איידעם ביי כ"ק אדמו"ר מדעעש ירושלים זצ"ל, מיט די כלה א טאכטער פון הגה"צ ר' שלום ארי' לעמבערגער שליט"א, זון פון הגה"צ אבד"ק מאקאווא בני ברק זצ"ל, און איידעם ביי כ"ק אדמו"ר ממעליץ שליט"א פון אשדוד.
עס איז געשלאסן געווארן די שידוך פונעם חתן א זון פון הרב יוסף אליעזר אשרי שליט"א, זון פון הגה"צ ר' ישראל חיים אשרי שליט"א אבד"ק שער אפרים וומס"ב, איידעם ביי הגה"צ אבד"ק פאפא ירושלים שליט"א, און איידעם ביי הגה"צ ר' צבי יוחנן שפיטץ שליט"א מביסטריץ, איידעם ביי כ"ק אדמו"ר מהארנסטייפל מילוואקי שליט"א, מיט די כלה א טאכטער פון הרב אפרים שטערן שליט"א יו"ר מפעל עונג שבת ויום טוב, זון פון הגה"צ ר' מאיר שטערן שליט"א גאב"ד גבעת שאול, און איידעם ביי כ"ק אדמו"ר מספינקא ירושלים זצ"ל.
עס איז געשלאסן געווארן די שידוך פונעם חתן א זון פון הגה"צ ר' אברהם יחיאל הורוויץ שליט"א אב"ד בארדיוב לאנדאן, זון פון הגה"צ ר' נחום צבי הורוויץ זצ"ל אבד"ק שארית ישראל וומס"ב, און איידעם ביי הגה"צ ר' יצחק באב"ד זצ"ל אבד"ק טארטיקוב לאנדאן, מיט די כלה א טאכטער פון הרב ישראל מאיר גרובער שליט"א, זון פון הרה"ג ר' יוסף גרובער שליט"א משגיח ישיבת אמרי חיים וויזניץ מאנסי, און איידעם ביי הרה"ג ר' אפרים פישל גאנץ שליט"א ר"ם בישיבת וויזניץ ומח"ס אפריון לשלמה.
היינט קומט פאר די שמחת פדיון הבן פון א אור אייניקל ביי כ"ק אדמו"ר מוויען שליט"א, אייניקל פון זיין איידעם הגה"צ ר' יואל ווייסמאנדל שליט"א, זון פון הגה"צ אבד"ק נייטרא מאנסי שליט"א, בן הנולד ביי זיין זון הרב יהושע ווייסמאנדל שליט"א, איידעם ביי הגה"צ ר' פנחס אלי' קופפערמאן שליט"א, איידעם ביי הגה"צ אבד"ק וואולקאן שליט"א. – די שמחה קומט פאר אין טאשנאד זאל אין מאנסי.
היינט כ"ה חשון געפאלט די יומא דהילולא קדישא פון הרה"ק רבי מרדכי מבולגרייא זצ"ל, בנו כ"ק אדמו"ר מבעלזא שליט"א וועט אפרעכטן די יארצייט טיש היינט פארנאכטס אין די גרויסע שטוב אין קרית בעלזא ירושלים.
מרנן ורבנן גדולי הדור וראשי הישיבות פון ארץ ישראל, און כ"ק אדמו"ר מראחמיסטריווקא שליט"א, וואס זענען אנגעקומען קיין אייראפע די וואך לטובת קרן עולם התורה, וועלן היינט פארלאזן די שטעט פאריז אין פראנקרייך און ציריך שווייץ, אויפן וועג צוריק אהיים קיין ארץ ישראל.
כ"ק אדמו"ר מוויזניץ שליט"א פון לאנדאן קומט היינט אן צוגאסט קיין ניו יארק, לקראת די שמחת החתונה פון א אייניקל וואס קומט פאר די קומענדיגע וואך, דער רבי שליט"א וועט זיך אויפהאלטן אין מאנסי בבית האכסניא ביי הנגיד החסיד ר' יעקב יהושע פיש הי"ו.
כ"ק אדמו"ר מזוטשקא שליט"א לאזט זיך היינט ארויס אויף א מסע הקודש "שערי שמים" צו די מקומות הקדושים אין אייראפע, אינאיינעם מיט די נדיבים ותומכים בוני ביהמ"ד הגדול זוטשקא אין בני ברק. היינט דורכ'ן טאג וועט מען פוקד זיין דעם ציון הק' פון הרה"ק רבי ישעי'לע קערעסטירער זי"ע, און דעם ציון הק' פון הרה"ק רבי ר' מרדכי'לע פון נדבורנא זי"ע אין שטאט בישטינא.
היינט קומט פאר די מעמד חנוכת הבית און קביעת מזוזה פאר די נייע תלמוד תורה דחסידי סלאנים אין רמה ב' בית שמש, אין שפיץ פון כ"ק אדמו"ר מסלאנים שליט"א.
היינט קומט פאר א כינוס התאחדות פאר כלל חסידי סקווירא אין בארא פארק, ליל יסוד החברות אין שפיץ פון הגה"צ ר' אהרן מענדיל טווערסקי שליט"א בנו הגדול פון כ"ק אדמו"ר מסקווירא שליט"א, עס קומט פאר אין זאל אנשי ספרד אין בארא פארק.
היינט קומט פאר די מעמד כבוד התורה יאכל פריה, לכבוד תלמידי ישיבת שפע חיים דחסידי צאנז אין בני ברק, אין זאל היכלי מלכות אין בני ברק.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד בית מרדכי דקהל יטב לב ד'סאטמאר אין קרית יואל, נדבת דער גבאי הביהמ"ד הרה"ח ר' אברהם ישעי' ווייס הי"ו.
אריינצושיקן מודעות און נייעס, שיקט אן אימעיל צו NEWS@JDNMAIL.COM
