די נאסטאלגישע אויסזעהן פון די פארצייטישע סקווירא הויף אין שטאט סקווירא אין אוקריינע, ווערט אצינד אריבערגעברענגט אין סקווירא שטעטל אין אמעריקע, אין די צייט וואס עס גייט אן העפטיגע בוי ארבעט צוצובויען ביי ביתו נאוה קודש פון כ"ק אדמו"ר מסקווירא שליט"א.
די בוי ארבעט האט זיך שוין אנגעהויבן עטליכע חדשים צוריק, ווען מ'לייגט צו פרישע שטיבער אויף מערב זייט, נאך וואס די נייע בנין בית המדרש הגדול קומט אן ביז דעם רבינ'ס שטוב אויף מזרח זייט. אצינד ארבעט מען ביי די דרויסענדיגע טייל אויף מערב זייט, און מען בויעט עס אויף א גענויע פארנעם, עס זאל אויסזעהן ווי די פארצייטישע סקווירא הויף אין דער אלטער היים.
