זונטאג נח 6:22 נאכמיטאג
מען האט נארוואס געענדיגט די רייע דרשות, אצינד הייבט מען אן קבלת עול מלכות שמים בהתעוררות רב, פארגעזאגט דורך כ"ק אדמו"ר מבאבוב 45 שליט"א
זונטאג נח 6:05 נאכמיטאג
כ"ק אדמו"ר מסאטמאר שליט"א ערשיינט אצינד צום היסטארישן עצרת מחאה אדירה
זונטאג נח 6:00 נאכמיטאג
הרב אהרן הכהן גרינבערג טרעט יעצט אויף מיט א דרשה אויף ענגליש פאר די אלגעמיינע פרעסע
כ"ק אדמו"ר מבאבוב 45 שליט"א ערשיינט אצינד צום היסטארישן עצרת מחאה אדירה
כ"ק האדמורי"ם מתולדות צבי ספינקא און קאשוי ביים עצרת מחאה
זונטאג נח 5:10 נאכמיטאג
כ"ק אדמו"ר מסאטמאר שליט"א ערשיינט יעצט בראש המשתתפים.
עס טרעט אויף הגה"צ רבי אשר אנשיל אשכנזי שליט"א אבד"ק חוות דעת
---
זונטאג נח 5:00 נאכמיטאג
הגאון הגדול רבי דוד הירשלער שליט"א פון ארץ ישראל האט נארוואס געענדיגט א פייערדיגע דרשה, אויפפלאמענדיג דעם גאנצן ציבור איבער די שרעקליכע גזירה
---
זונטאג נח 4:35 נאכמיטאג
די סדר המעמד הייבט זיך יעצט אן, אין די צייט וואס שווערע טויזענטער אידן געפונען זיך שוין אויפן ארט און אויף די ארומיגע גאסן, און נאך הונדערטער באסעס זענען אונטערוועגנס מיט מאסן אידן פון איבעראל.
עס טרעט יעצט אויף הגה"צ ר' יהושע נחמן בערגער שליט"א ראש ישיבת אהל תורה.
---
---
זונטאג נח 4:30 נאכמיטאג
די רענטעסטיק פארטי רענטל פירמע ביים ליפערן הונדערטער בענקלעך פאר די עלטערע משתתפים, און נאך פארשידענע באדערפענישן פאר די טויזנטקעפיגער ציבור.
זונטאג נח 3:30 נאכמיטאג
פיבערהאפטיגע צוגרייטונגען אויפן פלאץ, סיי מיט די הויכהילכער סיסטעם צו פארזיכערן די מאקסימום אפקלאנג, און סיי צו קענען אקאמאדירן אזויפיל טויזענטער אידן אויף איין פלאץ, לקדש שם שמים.
זונטאג נח 3:00 נאכמיטאג
אין די לעצטערע שעות פארבליבן צום היסטארישן עצרת מחאה אדירה, איז געמאלדן געווארן דורך פילע קהילות הקודש אין ניו יארק איבער זייער השתתפות ביים עצרת, ווען די גדולי הדור די עיני העדה בעטן די חסידים ארויסצוקומען ברוב עם צו זיין א טייל פון דעם היסטארישן קידוש שם שמים.
כ"ק אדמו"ר מבאבוב 45 שליט"א האט געמאלדן אז ער וועט זיך פערזענליך באטייליגן, און געהייסן די חסידים זיך משתתף זיין. בפקודת הקודש פון כ"ק אדמו"ר מוויען שליט"א וועלן אלע חסידים און תלמידים זיך משתתף זיין, אזוי אויך בפקודת האדמורי"ם מתולדות צבי ספינקא און צעהלים שליט"א וועלן די חסידים זיך משתתף זיין לקדש שם שמים.
זונטאג נח 2:30 נאכמיטאג
אלפי ישראל גרייטן זיך ארויסצוקומען היינט נאכמיטאג ברחובות העיר מאנהעטן, על פי קריאת הקודש פון די גדולי הדור מנהיגי העדה, אויסצושרייען דעם וויי געשריי קדם תבל ומלואה, איבער די שרעקליכע רדיפת הדת בארץ הקודש, מיט די גזירה פון גיוס בני הישיבות וואס הויערט אויף אחינו בני ישראל דרי ארץ הקודש.
אין די יעצטיגע מינוטן לאזן זיך ארויס הונדערטער באסעס פון אלע חרדישע געגנטער לענגאויס ניו יארק און ניו דזשערזי, כל הנחלים הולכין אל הים, ווען אלע פארן מיטן איינעם ציהל לקדש שם שמים און זיך אנצונעמען פאר כבוד שמים.
אויף די גאסן פארנט פון די ציוניסטישע קאנסולאט ווערן שוין געמאכט די לעצטע צוגרייטונגען דורך די געטרייע עסקנים, אין צוזאמענארבעט מיט די לאקאלע אויטאריטעטן און פאליצייאישע באאמטע.
