יעצט ביינאכט אין ארץ ישראל איז באשטעטיגט געווארן די פלענער אז עס וועט פארקומען א גרויסארטיגע עצרת מחאה ברחובה של עיר בארצינו הקדושה, וואו טויזענטער אידן וועלן ארויסקומען מיט א כח הרבים אויסצושרייען דעם וויי געשריי אין ליכט פון די רדיפת הדת אויף לומדי תורה, מיט נאכאנאנדע ארעסטן אויף ישיבה בחורים פארן זינד פון זיך נישט שטעלן צום מיליטער.
דאס קומט נאכדעם וואס עס זענען דורכגעפירט געווארן פרישע ארעסטן אויף בני תורה, און ביי א טעלעפאן געשפרעך צווישן די גדולי הדור, הגאון הגדול רבי דוב לאנדא שליט"א ראש ישיבת סלאבאדקע וועלכער געפונט זיך אצינד אין לאס אנדזשעלעס לטובת די קרן עולם התורה, און הגאון הגדול רבי משה הלל הירש שליט"א ראש ישיבת סלאבאדקע, איז באשטעטיגט געווארן אז מען וועט אפרעכטן א גרויסן עצרת ברחובה של עיר קומענדיגן זונטאג.
