כ"ק אדמו"ר מוויען שליט"א וועט היינט ערב שבת קודש אפרעכטן אן ערשטמאליגן פסח שני טיש לכבוד היום, אינאיינעם מיט די נגידים ותומכים וואס זענען מיטגעפארן מיטן רבי'ן אויף די מסע הקודש "נחלת הבונים", אין די היסטארישע שוהל אין שטאט מאד אין אונגארן.
היינט קומט פאר די מעמד סיום כתיבת האותיות אין שטאט מאגלניץ אין פוילין, פאר די ספר תורה וואס ווערט אריינגעגעבן דעם שבת קודש צום בנין הכנסת אורחים בנין אינדיג, נדבת הנגיד החסיד ר' בערי ווייס הי"ו, אין שפיץ פון כ"ק אדמו"ר מתולדות צבי ספינקא שליט"א.
אזוי אויך וועט פארקומען דארט אין מאגלניץ די מעמד הקמת המציבה על קברה פון הרבנית לאה פערל ע"ה, אמה של מלכות פונעם הייליגן שרף פון מאגלניץ זי"ע, און טאכטער פונעם הייליגן קאזשניצער מגיד זי"ע.
—
כ"ק אדמו"ר מבעלזא שליט"א איז צוגאסט אויף דעם שבת אין אלטשטאט ירושלים, צום גרויסן שבת "היכלא דמלכא" אינאיינעם מיט הונדערטער נגידים ותומכים בוני בנינים אדירים פאר די ישיבות גדולות דחסידי בעלזא, אין די פראכטפולע מצודת דוד האטעל אין ירושלים עיה"ק.
כ"ק אדמו"ר מבאבוב 45 שליט"א איז צוגאסט אויף דעם שבת אין יוניאן ניו דזשערזי בקרב חסידיו, די תפילות און טישן קומען פאר אין ביהמ"ד באבוב 45, אינאיינעם מיט די חסידים תושבי העיר.
כ"ק אדמו"ר מוויען שליט"א וועלכער איז צוגאסט די טעג אויף א מסע הקודש "נחלת הבונים" צו די קברי צדיקים אין אייראפע, אינאיינעם מיט די נגידי ותומכי המוסדות, וועט פראווענען דעם שבת אין א פראכטפולע האטעל אין שטאט טאקאי אין אונגארן.
כ"ק אדמו"ר מתולדות צבי ספינקא שליט"א וועלכער איז צוגאסט די טעג אויף א מסע הקודש צו די קברי צדיקים אין אייראפע, וועט פראווענען דעם שבת אין שטאט מאגלניץ, סמוך ונראה צום ציון הק' פונעם הייליגן שרף הרה"ק רבי חיים מאיר יחיאל ממאגלניץ זי"ע, בעצם יומא דהילולא קדישא ט"ו אייר.
כ"ק אדמו"ר מערלוי שליט"א איז צוגאסט אויף דעם שבת אין אלעד, אויף א געהויבענע באזוך בקרב חסידיו אין שטאט, די תפילות און טישן קומען פאר אין ביהמ"ד הגדול דחסידי ערלוי אין אלעד.
כ"ק אדמו"ר מוויזניץ שליט"א פון בארא פארק איז צוגאסט אויף דעם שבת אין סטעטן איילענד, בקרב תלמידי ישיבתו הק' תפארת מרדכי וויזניץ.
כ"ק גאב"ד מאקאווא שליט"א איז צוגאסט אויף דעם שבת אין מאנטיבעלא געגנט אין מאנסי, אין שטוב פון הנגיד החסיד ר' יודא דוד רובינשטיין הי"ו.
הגה"צ המשפיע ר' אלימלך בידערמאן שליט"א איז צוגאסט אויף דעם שבת אין ירושלים עיה"ק לרגל שבת בעפאר ל"ג בעומר, די תפילות און טישן קומען פאר אינעם גרויסן אודיטוריום אויף רחוב מנחת יצחק.
הגה"צ ר' אהרן מענדיל טווערסקי שליט"א בנו הגדול פון כ"ק אדמו"ר מסקווירא שליט"א, איז צוגאסט אויף דעם שבת אין בארא פארק בקרב חסידי סקווירא, צום שבת התאחדות "שבת הקהל" פאר כלל חסידי סקווירא אין ב"פ, די תפילות קומען פאר אין זאל אולם דוד שארף, און די סעודות שבת און שלש סעודות אין זאל פון עטרת גאלדא.
כ"ק אדמו"ר מזוועהיל שליט"א איז צוגאסט אויף דעם שבת אין אתרא קדישא מירון, לרגל שבת בעפאר ל"ג בעומר.
כ"ק אדמו"ר מסטריקוב שליט"א איז צוגאסט אויף דעם שבת אין ביתר בקרב חסידיו, די תפילות און טישן קומען פאר בבית מדרשו קהל אשל אברהם סטריקוב אויף רחוב מוצפי.
כ"ק אדמו"ר מספינקא שליט"א וועלכער איז אנגעקומען צוגאסט קיין ארץ ישראל בקרב חסידיו, וועט פראווענען דעם שבת די תפילות און טישן בבית מדרשו אויף רחוב ראשית חכמה אין ירושלים.
כ"ק אדמו"ר מלעלוב ירושלים שליט"א איז צוגאסט אויף דעם שבת אין קרית יפה נוף אין בית שמש בקרב חסידיו, די תפילות און טישן קומען פאר אין א גרויסע שאטער פארנט פון בית מדרשו קהל תפארת יעקב לעלוב ירושלים.
כ"ק אדמו"ר מפיטסבורג שליט"א איז צוגאסט אויף דעם שבת אין לאס אנדזשעלעס לטובת מוסדותיו הקדושים.
הגה"צ ר' שמואל אליעזר שטערן שליט"א גאב"ד מערב ב"ב איז צוגאסט אויף דעם שבת אין אתרא קדישא מירון, אויף א שבת התאחדות מיט די חברי הקהילה.
כ"ק אדמו"ר מוויזניץ שליט"א לרפו"ש וויילט דעם שבת אין מושב אורה נעבן ירושלים אויף אפרוה.
כ"ק אדמו"ר מבאבוב שליט"א וויילט דעם שבת אין מיאמי פלארידע אויף אפרוה.
כ"ק אדמו"ר מפשעווארסק שליט"א וויילט דעם שבת אין האלאנד אויף אפרוה.
הגה"צ ר' יעקב מאיר שעכטער שליט"א וויילט דעם שבת אין עיה"ק טבריה אויף אפרוה, אין שטוב פון הנגיד החסיד ר' חיים יודל לעפקאוויטש הי"ו, מיטן רב וועלן זיין צוגאסט א צאל נגידים ותומכים פון זיינע מפעלות צדקה וחסד.
דעם שבת קומט פאר די שמחת הקידושא רבא פון א אייניקל ביי כ"ק אדמו"ר מראחמיסטריווקא שליט"א פון ספרינג וואלי, איידעם ביי הגה"צ אבד"ק ראחמיסטריווקא מאנסי שליט"א, עלטסטע קינד ביי זיין איידעם הרב ברוך שמעון פעלדמאן שליט"א, זון פון הגה"צ ר' בעריש פעלדמאן שליט"א, זון פון הגה"צ אבד"ק תורה עץ חיים לאנדאן שליט"א, און איידעם ביי הגה"צ ראש ישיבת טשעבין שליט"א. – די שמחה קומט פאר אין ראחמיסטריווקא ביהמ"ד אויף ווארען קאורט אין מאנסי.
ככל חקת הפסח יעשו אתו:
דעם פרייטאג צונאכטס ליל ט"ו אייר וועלן פילע אדמורי"ם ורבנים אפרעכטן די טישן לכבוד פסח שני.
כ"ק אדמו"ר מקרעטשניף סיגעט שליט"א וועט דעם פרייטאג צונאכטס אפרעכטן דעם טיש לרגל פסח שני אין ביהמ"ד הגדול זוועהיל אין ירושלים, און לרגל די הילולא קדישא פון זקינו הרה"ק מקרעטשניף זצ"ל.
כ"ק אדמו"ר מקרעטשניף כפר עטה שליט"א וועט דעם פרייטאג צונאכטס אפרעכטן דעם טיש לרגל פסח שני, בבית מדרשו החדש בבנין מוסדות זוועהיל אין כיכר זאקס.
—
דעם מוצאי שבת קודש געפאלט די צוואנציגסטע הילולא קדישא פון כ"ק אדמו"ר הרה"ק מקרעטשניף זצ"ל, בנו כ"ק אדמו"ר מקרעטשניף י"ם שליט"א וועט אפרעכטן די סעודת מלוה מלכה מוצאי שבת אין ביהמ"ד קרעטשניף אויף רחוב אבינועם ילין אין ירושלים.
נכדו כ"ק אדמו"ר מקרעטשניף סיגעט שליט"א וועט אפרעכטן די יארצייט טיש מוצאי שבת אין ביהמ"ד הגדול זוועהיל אין ירושלים, און שפעטער נאך חצות הלילה פוקד זיין דעם ציון הק' אויפן הר הזיתים.
נכדו כ"ק אדמו"ר מקרעטשניף סיגעט וומס"ב שליט"א וועט אפרעכטן די יארצייט טיש מוצאי שבת אין ביהמ"ד קרעטשניף סיגעט אין וויליאמסבורג.
אריינצושיקן מודעות און נייעס, שיקט אן אימעיל צו NEWS@JDNMAIL.COM
