ברגשי קודש גרייטן זיך פילצאליגע תלמידי וחסידי תולדות אברהם יצחק בארה"ב, מיטצוהאלטן די היסטארישע כינוס כללי וואס וועט פארקומען היינט אויפדערנאכט, אין די פראכטפולע זאלן פון וואלי טערעס בבנין ישיבה ספרינג וואלי אין מאנסי, מיטן ציהל צו אויפטרייבן סכומים אדירים לטובת די מגבית באהבה וברצון, פארן נייעם ביהמ"ד אין ירושלים.
הונדערטער אידן חסידים מעריצים וידידים זענען ערווארטעט צו זיך באטייליגן ביים גרויסן מעמד, מקבל צו זיין את פני הקודש פון כ"ק אדמו"ר מתולדות אברהם יצחק שליט"א בבואו לחון את פני העיר, און צו אנטקעגן קומען דעם רבי'ן מיט סכומים אדירים לטובת די אויפבוי פונעם נייעם גרויסן ביהמ"ד דחסידי תולדות אברהם יצחק בירושלים עיר הקודש.
אנדערש ווי געפלאנט אז די מעמד זאל פארקומען אינעם גרויסן שאטער נעבן דעם רבינ'ס אכסניא אין וואודבארי דזשאנקשען קרית יואל, איז נעכטן געטוישט געווארן די פלענער אז עס וועט פארקומען אין א פראכטפולע זאל אין מאנסי, למען הצלחת המעמד עס זאל קענען ווערן אפגעראכטן אויף א געשמאקע און רייכע פארנעם, כראוי וכיאות פאר די געטרייע נדיבי לב תומכים נכבדים חסידים ואנשי מעשה.
