נאך וואס כ"ק אדמו"ר מתולדות אברהם יצחק שליט"א איז גענומען געווארן אין שפיטאל די נאכט צוליב זיין שוואכע געזונט צושטאנד, איז יעצט נאכמיטאג באשטעטיגט געווארן אז דער רבי שליט"א וועט זיך אומקערן אהיים למעון קדשו אין ארץ ישראל תיכף נאך דעם שבת נחמו, און נישט פארבלייבן לענגער ווי געפלאנט.
די דאזיגע נייעס האט איינגענומען די הערצער פון הונדערטער תלמידי וחסידי תולדות אברהם יצחק בארה"ב, שומעי לקחו ידידים ומעריצים פונעם רבי'ן, וועלכע האבן געהאפט צו האבן דעם רבי'ן דא אין ניו יארק נאך דריי וואכן, ווען די צענטראלע קאמפיין באהבה וברצון אויפצוטרייבן ריזיגע סכומים לטובת די אויפבוי פון די נייע בנין ביהמ"ד הגדול והחדש דחסידי תולדות אברהם יצחק בעיר הקודש ירושלים, האט געזאלט פארקומען קומענדיגע וואך פרשת עקב.
אצינד מיט די פרישע פלענער אז דער רבי וועט שוין אהיימפארן גלייך נאך שבת נחמו, זענען הונדערטער חסידים יעצט נאכמיטאג ארויסגעפארן פון זייערע היימען אויפן וועג קיין קרית יואל, וואו מען וועט זיך אריינווארפן אין די עבודת הקודש אין א פאראייניגטע שטימונג, אין די גרויסע שאטער אין וואודבארי דזשאנקשען אין קרית יואל, און שוין יעצט אויפטרייבן ריזיגע סכומים פארן ריזן ביהמ"ד פראיעקט, צו פארזיכערן אז דער רבי פארט אהיים מיט גרויסע געלטער צו קענען פאראויסרוקן די בוי ארבעט אויף א שנעלן גאלאפ.
