כלל ישראל איז ווייטער מתפלל לרפואת כ"ק אדמו"ר מתולדות אברהם יצחק שליט"א וועלכער געפונט זיך ליידער אין א שוואכע געזונט צושטאנד, דער רבי האט זיך נארוואס צוריקגעקערט פון א לענגערע נסיעה אין ניו יארק, און איז אנגעוויזן אויף דיאליסיס באהאנדלונגען.
ווי באריכטעט איז דער רבי שוין געווען אין שפיטאל זייענדיג אין ניו יארק, נאכן אהיימקומען לבית האכסניא איז באשלאסן געווארן דורכ'ן רבינ'ס דאקטער אז מען מוז זאפארט אנהייבן געבן דיאליסיס באהאנדלונגען, צוליב די שוואכע פונקציע פון די נירן, מען האט טאקע אנגעהויבן מאכן דיאליסיס אין ניו יארק, און תיכף ביים אנקומען צוריק קיין ארץ ישראל פארלאפענע וואך, האט מען ווייטער פארגעזעצט צו געבן דיאליסיס ווי עס פארלאנגט זיך.
פארלאפענע וואך דאנערשטאג איז דער רבי געווארן אפגעפירט אין שפיטאל, און פרייטאג נאכמיטאג סמוך לכניסת השבת האט זיך דער רבי אומגעקערט לביתו נאוה קודש אין ירושלים, אצינד איז דער רבי ווייטער אנגעוויזן אויף די באהאנדלונגען, און עס טוט גאר שווער אפשוואכן דעם רבינ'ס מצב הבריאות ל"ע.
דעם זונטאג איז פארגעקומען אן עצרת תפלה והתעוררות אין ביהמ"ד הגדול תולדות אברהם יצחק אין ירושלים, און אזוי אויך קומען כסדר פאר מניני תהלים צו מתפלל זיין לרפואתו השלימה פונעם רבי'ן, כ"ק מרן רבי שמואל יעקב בן יענטא לרפואה שלימה.
