מיט איבערגיסנדע געפילן פון התרגשות נעמען כלל חסידי סקולען אויף די פרייליכע בשורה אז עס איז נארוואס באשטעטיגט געווארן אז כ"ק אדמו"ר מסקולען שליט"א וועט דעם שבת צום ערשטן מאל אפרעכטן שולחנו הטהור בליל שבת קודש אנגעהויבן פון שלום עליכם, אזוי ווי עס האבן זיך געפירט אבותיו הקדושים לבית סקולען אלע יארן.
די לעכטיגע טישן ביי אדמור"י בית סקולען לדורותיהם ליגט גוט איינגעקריצט ביי אלע חסידים אין זכרון, די דמות ווען דער רבי פלעגט אריינקומען צום טיש און אנהייבן זינגען די מקובל'דיגע זמירות שלום עליכם און ווייטער, מיט די נעימות'דיגע ניגונים און נוסח לבית סקולען.
אצינד ווען די לעכטיגע זמנים גייט ווידער ווערן אויפגעוויקלט, ווען אינעם פערטן דור אין די סקולענער דינאסטיע וועט דער רבי שוין אריינקומען צום טיש אנגעהויבן פון שלום עליכם, שטייגט די התרגשות ביי די חסידים ווען די לעצטע פאר חדשים האט מען נישט זוכה געווען דערצו, ווען דער רבי שליט"א איז אריינגעקומען צום טיש מדי שבת בשבתו בלויז צום בענטשן.
