פון מאנטריאל קאנאדע הערט מען די נייעס אז מען גרייט זיך אויף א גרויסארטיגע עצרת מחאה אדירה אין ליכט פון די שרעקליכע רדיפת הדת בארץ הקודש, ווען די רשעי הציונים פרובירן אויסצורייסן דעם כח התורה, מיטן ארעסטירן ישיבה בחורים זיי צו נעמען אין מיליטער היל"ת.
על פי קריאת הקודש פון די גדולי הדור, וועלן טויזענטער אידן תושבי מאנטריאל קאנאדע והגלילות ארויסקומען אין די מאסן מארגן דינסטאג נאכמיטאג, אויף די גאסן פארנט פון די ציוניסטישע קאנסולאט, און אויסשרייען דעם קול מחאה אדירה איבער די רדיפת הדת, מען וועט אינאיינעם מתפלל זיין און מעורר רחמים זיין לביטול רוע הגזירה, אין שפיץ פון די גדולי רבני העיר ומורי הוראה.
מטעם קהל אור החיים ד'טאהש איז ארויסגעשטעלט געווארן א מודעה מיט א רוף צום ציבור זיך צו משתתף זיין ביים מחאה אדירה, בפקודת כ"ק אדמו"ר מטאהש שליט"א על פי קריאת הקודש פון הרבנים החשובים, חברי התאחדות הרבנים דארה"ב וקאנאדע.
לויטן פלאן וועט זיך די עצרת מחאה אדירה אנהייבן מיט א געמיינזאמע מארש, נאכגעפאלגט מיט עטליכע דרשות, און אמירת תהלים בהתעוררות רב.
