די תלמידים פון ישיבה קטנה שפע חיים צאנז אין בני ברק, זענען איבערראשט געווארן אינמיטן די סדרי הלימוד פארלאפענעם דינסטאג פרשת בהעלותך, זעענדיג רבם ומאורם כ"ק אדמו"ר מצאנז שליט"א נשיא הישיבה אריינקומען אין היכל ביהמ"ד אן קיין שום מעלדונג פון פאראויס.
דער רבי איז געווען אין בני ברק צו מנחם אבל זיין נאך די פטירה פון הרבנית מגור ע"ה, נאך די ניחום אבלים האט דער רבי באשלאסן צוצוגיין צום דערנעבענדיגן צאנזער שטיבל וואו די ישיבה קטנה איז סטאנציאנירט, דער רבי האט שפאצירט צווישן די בחורים באגלייט מיטן משגיח הרב יהודה בראנדסדארפער שליט"א, און גענאסן גרויס קורת רוח זעענדיג די געוואלדיגע התמדה.
שפעטער האט דער רבי געדאווענט מעריב אינאיינעם מיט די בחורים, געפראוועט א מסיבת לחיים, און אויפגעטרעטן מיט דברות קודש חיזוק ועידוד בלימוד התורה.
